بیلورسن اوجِ عصمتین هُماسیم عم اوغلی جان
اوزوم او غملی گویلوُون فداسیَم عم اوغلی جان
منی سنون محبّتون ملقّب ایتدی هانیه
سن آغلیسان شرارهء دلیم گلور زبانیه
من آغلیوم سن آغلاما باخاندا آستانیه
بالام شَهید مُحسنون آناسیم عم اوغلی جان
عم اوغلی اوجِ خدمته لوای دم ووران مورام
اورک دولور حسین گلور، بساطِ غم قوران مورام
گذشت ایله مریض اولوب ایاقیوه دوران مورام
اگر چه چوخ مریضیلر دواسیم عم اوغلی جان
بابام ئولن زمانیدن نشاط ایدوب گولن میرم
بلا گلور خزان کیمی نه سرّی وار بولن میرم
قولوم سینوبدی حیف اولا گوزون یاشین سیلن میرم
دُرِ سرشگِ آلوون بهاسیم عم اوغلی جان
ایدوبله غَصب حَقّوی عم اوغلی آز خیال ایله
دوزوب غم و مصیبته رضای لایزال ایله
بو دوقّوز ایلده حقّوی عزیزیوه حلال ایله.
بابام رسولِ اکرمین عَطاسیم عم اوغلی جان
هجوم ایدنده هر زمان حسینه دل مَحبّتی
قوجاقیمه آلان کیمی سونردی نارِ حسرتی
ولیک ایمدی قویموری بو سینه مین اذیّتی
زجاجِ درد و محنتین جَلاسیَم عم اوغلی جان
فغان و ناله مونسیم، انیسیم اشکِ ناب اولور
سنق گوگل عمارتی غم اوز ویرور خراب اولور
گورنده نازلی زینبی یانان دلیم کباب اولور
او درد مبتلاسنون آناسیم عم اوغلی جان
شفاعت اوسته (طاهری) زِ بسکه باغری قانیدور
نجاتین ایسته حقّدن نجاتی دل ستانی دور
بالام حسینه هر ندور وفالی نوحه خوانیدور
حسینیوی سوَینلرین رضاسیم عم اوغلی جان
- پنج شنبه
- 11
- شهریور
- 1400
- ساعت
- 14:49
- نوشته شده توسط
- یوسف اکبری
- شاعر:
-
ناشناس ؟؟؟
ارسال دیدگاه