یارب اگر چه آیریلقون بی قراریم
اما یورولموشام بیر ئولوم انتظاریم
گوندر سراغمه ملک الموتی ای خدا
تشریفنون بو حالیده لحضه شماریم
تاپشور آلاندا جانمی انجتمسون منی
جانیلرون جنایتنون زخمداریم
تاپشورمیوب بابام منی یوخسا بو امته
عالم بولور رسول خدا یادگاریم
یانسون اورکلری قاپومی یاندیرانلارین
تا وار نفس او فاجعه نین اشگباریم
اوز آستانیم اوز بالاما قتلگاه اولوب
بو غصه نین شکسته دل و پر شراریم
آگاهسن بو آغلاماقیم بی سبب دگول
صیاد محنتون یارالی بیر شکاریم
ایوده باباما قویمادیلار ساخلیام عزا
نار غمون بوله بوله که داغداریم
جانی ایدن جنایتین آثاری گیتموب
وار قولدا سینه ده اثری بی قراریم
نه اولدی قارداشم نه باجیم دردیمی بوله
اُز شهریمون غریبه سیم دل فکاریم
سینم یاراسینی آچورام باغلورام ئوزوم
نیلوم اگرچه تیر مصیبت دچاریم
هر درد و غصه هر طرفه بیر یانا بو غم
یانّام اونون بو حالینه بی اختیاریم
واضحدی که عم اوغلوما مشکلدی فرقتیم
هر حالیده ز بسکه اونون جان نثاریم
بیر آشناسی یوخدی گلوب گوگلنی آلا
غم یوز ویرن زمانیده من غمگساریم
اطفال خرد سالیمون اول یار و یاوری
بو ماجراده لطفون امیدواریم
بش سنیده واردی خوردا اوشاقدی بیوک قیزیم
مظلومه دور او خونجگر وزار زاریم
تاپشورموشام به کلّی اموراتی زینبه
شکر ایلرم که منطقینون کامکاریم
سنّی آز اولسادا اونی کامل یاراتمیسان
نام و نشانیده سبب افتخاریم
یاسه گلن خانملارا زینبده دور دیسه
من دودمان شیر خدا نامداریم
ئولدوردولر منیم آنامی ئولمدی ئوزی
بو غصه نین ئولنجه سیه روزگاریم
(عافی) توکر عزارینه گوز یاشی عرض ایدر
یافاطمه سیزون قاپوزون خاکساریم
- جمعه
- 12
- شهریور
- 1400
- ساعت
- 23:4
- نوشته شده توسط
- یوسف اکبری
- شاعر:
-
مرحوم عافی تبریزی
ارسال دیدگاه