ولیّتة اللهِ کبری و دخت پیغمبر
حبیبه اللهِ عُلیا و زوجهء حیدر
منازل اسرایه شبانگه ایتدی گذار
حسین حالینی گویا ایدوبدی استفسار
قیزیم منه دی گوروم نولدی نور دیده حسینیم
آتوب عیالینی چون آهوی رمیده حسینیم
بو نوع سیزلری باش سیز قویوب گیدن دگی هرگز
ایدوبدی باشینی باشدان گلو بریده حسینیم
نه چوخ بلالی باش اولدی که کربلاده ازل گون
ویرنده رأس رئیس اولدی هر شهیده حسینیم
کسوب علاقه نی فولاد خنجریله بدندن
ویروب کسیک باشینی نیزهء حدیده حسینیم
باشی دمشقه گیدر لیک نعشی کربلاده قالوبدور
بو طرز اُلماقا اولموشدی آفریده حسینیم
مقامی شهریده مطبخدی بین رهده کلیسا
محالدور یته سر منزل بعیده حسینیم
تنور خولیه گلموشدی دیده مریم و عیسی
یقین گیدوبدی کلیسایه بازدیده حسینیم
جُدا بدندن اولان باش گزر جدالرین اُسته
گزوب دولانسا اولار مقصده رسیده حسینیم
متاع کرببلا کوفه ده یتوبدی فروشه
دیار شامه گیدر جدّی تک خریده حسینیم
دیار کرببلاده اولونمیوبدی حسابی
ایشیتموشم که گیدور مجلس یزیده حسینیم
اوتورموشام یولی اوستنده منتظر گیجه وقتی
گوزتلورم که گَلَه تا دم سپیده حسینیم
دالینجا سایه کیمی صبح و شام، شامه سورونَّم
منی شریک ایلیوب غصّهء مزیده حسینیم
کول اُستی، زادهء مرجانه بزمی، نیزه باشندا
گزوب گینه گوره جاق آیری بزم چیده حسینیم
گرکدی سیر ایده بازار شامی نیزه باشیندا
او شهری گزمسه تا اولماز آرمیده حسینیم
قلم قضیهء شاماته (آصفا) داخی وورما
ولو اولوبدی شهادت اوتری آفریده حسینیم
- شنبه
- 13
- شهریور
- 1400
- ساعت
- 12:52
- نوشته شده توسط
- یوسف اکبری
- شاعر:
-
مرحوم آصف تبریزی
ارسال دیدگاه