گل اوزون تار مار ایله صبا گیسوی جانانی
پریشان ایله احوالیم کیمی زلف پریشانی
چلیپا حلقه حلقه خم نجم زلفون عذارون ده
دیر سن بس سحاب نیزه دوتموش ماه تابانی
طلوع صبح صادق ظلمت شبده اولور واقع
و یا ابر سیه مستور ائدوب مهر درخشانی
مداد کلک قدرت نقش ائدوب لوح جبینونده
سراسر سورهٔ یاسین و الرحمان و طاهانی
یازوب دیباچه سینده سبّح اسم ربّک الاعلی
و یبقی وجه ربّک کلّشیٔ غیره فانی
جمالون سوره ی والشمس زلفون آیهٔ واللیل
یازیلموش مصحف رخسارده آیات قرآنی
سواد زلف شرح لیلة القدری بیان ایلر
و ما ادراکدن اثبات اولور واضح دی برهانی
دوشوب دور گوشهٔ ابرو دالیندا نقطهٔ خالون
ویرور بسم اللهین با حرفینه بیر لفظ معنانی
بصیرت اهلینه آئینهٔ حسنون نهان اولماز
اوخور عکس رخوندن سورهٔ انّا فتحنانی
حجاب صورتی رفع ایله تا معنا ظهور ائتسون
وراء پرده ده مستور اولان اسرار پنهانی
جمالون نوری اولسون جلوه گر خرّ مغشیا
نشان وئر آشکار اولسون بو خرّ مغشیانی
کلیمه نخله ایمن ائدن نور تجلّانی
اوزون بو مطلبه شاهد گتور موسی بن عمرانی
اولا تابنده پشت پرده دن تا ذرّه نورون
فضای طور حیرتده قویار سر گشته موسانی
دئسم عیسی مقامیندن مقام عشقون اعلا دور
یری وار دور اگرچه چکدیلر داره مسیحانی
اولوب اوچ گون فراز دار اونا دارالمقام اما
سنون تک گزمدی قرخ گون جداده باشی صحرانی
چکوبلر نیزه باشینده سنی داره مسیح آیا
چکلّر عشق میدانیده داره عشقه دارانی
ائدوب قطع علاقه جسم یدن گچدون علایقدن
فراز نیزه ده ایلر باشون معراج جسمانی
علاقه ایلیوب زلفون طنابی رشته ی جانه
کمند کاکل مشکین چکوب زنجیره لیلانی
طناب زلفیله قید محبت جذبهء عشقون
منی دیوانه لر تک گزدیرر کوه و بیابانی
آخار قان کاکلوندن قطره قطره اشگ چشمیم تک
گوزوم باخدیقجا اول قانه گلور جوشه اورک قانی
اولا گر ذرّهء لطفون (حقیرین) حالینه شامل
آچار گلشن سرای مدحون ایچره نطق گویانی
- یکشنبه
- 14
- شهریور
- 1400
- ساعت
- 13:38
- نوشته شده توسط
- یوسف اکبری
ارسال دیدگاه