قُوزار نئجه سمایه بوگون انس و جان باشین
لب تشنه کسدیلر شه کون و مکان باشین
شمر لعین کسدی باشین ائتمدی حیا
گور کیم کیمه، کیمین آپاریر ارمغان باشین
یئرده ائله جنایته ال ووردو آل کین
سالدی اشاقه خفّتیلن آسمان باشین
بیر باش کی دامنینده نبی وئردی پرورش
منزل ائدیبلر اول باشا باخ خیزران باشین
غفلت هواسی غالب اگر اولسا امته
لشکر چکیب کسرلر امام زمان باشین
تکجه او گون حسین باشین یوخ کی کسدیلر
دینین باشین مرام باشین آرمان باشین
ایستیردی حق سسین کسه دشمن کسنمدی
هر گون مناره لردن اوجالمیش اذان باشین
باش اگمدی یزیده حسین بن مرتضی
تاریخ اودور کی ائتدی اونون جاودان باشین
گل گور تنور خولی ده هنگامه دیر بپا
زهرا باسیبدی باغرینا اول باغریقان باشین
بنذر نگین خاتمه کی سیندیریبدیلار
آلمیش آرایه حلقه کیمی قدسیان باشین
ائت مطلبی تمام (شهودی) کی غصه دن
ووردو ستون محنته کهف الامان باشین
- پنج شنبه
- 18
- شهریور
- 1400
- ساعت
- 20:27
- نوشته شده توسط
- یوسف اکبری
- شاعر:
-
علی شهودی
ارسال دیدگاه