اِیشق لانوب یِر و گُوی شش جَهت چراغان دور
فروغِ نُورِ حسینیله نُور باران دور
سالوب تَحیّره خلقی نه شُورشین دور بو
شبِ ولادتِ سلطانِ مَشرقین دور بو
جَلالی دولدوروب عالملری حسین دور بو
فدا جَلالی نه، جانلار حسینه قربان دور
هر آیدا سیریله بیر بُرجدَه دوتوبدی مقام
او بَدرِ، کامل اِیدوب سیرین آلتی آیدا تمام
سمای عصمتی دَن شَمسِ دین اوُچومجی امام
طلوع اِیدوب اُفقِ شَرقی شهرِ شَعبان دور
نزول اِیدوب دِیه تبریک جدّی نه جِبریل
دالنجا فُوجِ مَلک صف به صف قَبیل قَبیل
کمالِ عَجزی له فطرس سالوب اُوزینی دَخیل
او بابِ اَمنه که جَبرئل مَهدِ جُنبان دور
اِمامتین گُونی اِیتدی طلوع وقتِ سَحر
چیخان دا گُون قاپودان داخل اُولدی پیغمبر
آلوب قوجاقی نه حسرت گوزیله سالدی نظر
او گُل یوزه که ایشق لیقدا شَمسِ تابان دور
دولاندا دیدهء حقّ بینِ اَحمدِ مُختار
سارالدی عارضِ زَهرا اوجاتدی نالهء زار
نه آغلاماقدی بو طفلین مگر باشیندا نه وار
سبب نه دور که گُوزون اَبرسان گریان دور
دِیدی سوروشما هنوز اوّلِ ولادت دور
دِیمه مُذاکره سی مایهء کُدورت دور
بونون مُصیبتی عالم دَه بیر مُصیبت دور
هامی مَصائب او اِیذاده سَهل و آسان دور
سنون کیمی آنا، الله بلور بیله مُولود
وجوده گلمیوب اوُلماز بیله عزیز وجود
بونون وجودی دَی ایجادِ خلقی دَن مَقصود
کلیدِ کَنزِ خَفا سرَّ غیبه عُنوان دور
اوجالدی کلمهء حقّی بو عاشقِ مُطلق
توکله قانینی حقّ اُوسته ظلمیله نا حقّ
نفس چیخین جا دوداقدان دِیر دلی مُطلق
جداده وِردِ دلی آیه آیه قرآن دور
قویار قبولِ بلا یاده نامِ صبرین دَه
اِیدر مَراتبِ عشقی تمامِ صبرین دَه
دلین شکایته آچماز مقامِ صبرین دَه
فَلک مَلک هامی ذرّاتِ کُون حیران دور
منیم شبیهیم علی اَکبر آدلی فرزندی
یانیندا دوغرانا جاق قَطعه قَطعه هر بندی
بو یِر یوزینده نه ممکندی مثل و مانندی
نجه جوان که ملاحت دَه ماهِ کنعان دور
صَغیر اوُشاقلارینی تشنه لَیق اِیدر بیتاب
حرارتِ جگرین دَن کباب اولار ،دلِ آب
دینده وا عَطشا حنجرین اِیدر سیراب
زُلال خنجرِ شمر، آبِ تیر و پیکان دور
(حقیر) چون بو گُونون اِحترامی واجب دور
قُلوب مایلِ شادی اولا مناسب دور
بیر اِعتباره ولی اوّلِ مَصائب دور
نظرده شادی و غم بالِ سویه یکسان دور
- چهارشنبه
- 31
- شهریور
- 1400
- ساعت
- 12:9
- نوشته شده توسط
- یوسف اکبری
ارسال دیدگاه