تا سنون صورتوی خالقِ مَعنا ياراديب
منی اول عارضوه مَحوِ تماشا ياراديب
حسنوون نقشينی نقّاشِ قضا اهلِ دله
مظهرِ حُسن و وفا آيتِ تقوا ياراديب
گون كيمی روشن ائدير، كُونی جمالون ديه سن
حق سنون مَه يوزوی عالمه بيضا ياراديب
قاشلارون طرحب اولوب مسجده محرابِ دعا
زلفووون نقشی كَليساده چليپا ياراديب
لبلرون شَهدِ مُصفّا كيمی، عارف لره حق
آبِ حيوانه قدر نوش و مُهنّا ياراديب
گلشنِ حسنده ای سروِ روان قامتيوی
سرولر ايچره عجب سروِ دلارا ياراديب
گؤزلريم گورمده، اول گوزلروی، سويلدی دل
الله الله نه گؤزل گؤزلری شَهلا ياراديب
گوئيا ای گؤ‍زليم روزِ ازل دستِ قضا
سنی دلدار زمانه منی رسوا ياراديب
خلق ائدنده سنی معشوق جهان، خالقِ كُون
(فانی) غمزده نی عاشق شیدا ییارادیب
- چهارشنبه
- 31
- شهریور
- 1400
- ساعت
- 12:19
- نوشته شده توسط
- یوسف اکبری
- شاعر:
-
فانی تبریزی
ارسال دیدگاه