ای ذاتِ حقّین آیتی یا ثاُمن الحُجَج
جنّت اُولان ولایتی یا ثاُمن الحُجَج
معیار شیعه لیقدی جهاندا ولایتون
مزدی جناندی طُوفِ مزاره زیارتون
گُوندَن اِیشقدی عالمه لطف و کرامتون
سن سن وِیرن هر حاجتی یا ثاُمن الحُجَج
حُبُون ولایت اَهلی نه عُمدَه فریضه دور
قالماز بِلا جَواب یِتن هر عریضه دور
آدون شفای هر مرض و هر مریضه دور
وار هر کیمین دَرایتی یا ثاُمن الحُجَج
مغبونی دور زیارتی وَه کیم که گیت میوب
عالم اگر اونون دا اُولا کامه یت میوب
هر کیم گلوب یقیناً اَلی بُوش قیت میوب
پُربار اولوب زیارتی یاثاُمن الحُجَج
گمره لرین جهانی دَه سن رَهنماسی سن
هر دردِ بی دوانین آقا سن دواسی سن
سن پارۀ تنِ پیمبر و زَهرا رضاسی سن
وار مُرتضی کرامتی یا ثاُمن الحُجَج
سن سن نوازش اِیلین هر میهمانی وَه
سن سن یغان غنیّ و فقیری یانی وَه
سن سن تیکن بو گوزلری او آستانی وَه
وار سنده حق جَلالتی یا ثاُمن الحُجَج
سن سن سپهرِ معرفت و عشقی دَه هِلال
سن سن هامی سلاطین آرا صاحبِ جَلال
سن خارج اِیله سن هامودان مُحنَت و مَلال
جَلب اِیله سن رضایتی یا ثاُمن الحُجَج
سن سن جهانیده بولن هر دل سیزین دِلین
سن سن آچان مُحبّ لرین عُمدَه مُشکلین
سن سن کس و پناهی غریبی له مسکینین
بوخ لطفوون نَهایتی یا ثاُمن الحُجَج
سن قوی ماسان بو گُوزلری غم اَشکینه دولا
سن قوی ماسان اُمیدِ گلی غصه دَن سُولا
کیم آچسا اَل سنه اَلی بوش سال ماسان یولا
نیمه نگاه اُولار کفایتی یا ثاُمن الحُجَج
هر حُسنِ خُلقی سنده قویوب حَیّ لَم یَزل
ای مظهرِ کریم و کرامت دَه بی بَدل
جنّتدی بارگاه ویله سن یاتان مَحّل
یاده سالاندی جنّتی یا ثاُمن الحُجَج
شَه لر سنون قاپوندادی بیر کمترین غلام
سن گر غلام حساب اِیده سن فخر اِیدر مُدام
مأیوس اِیتمه سن ویره هر کیم سنه سلام
وار سنده حق اِجابتی یا ثاُمن الحُجَج
عازم دی لطفوویله بو (غمخوار) کعبیه
سن وِیرموسن براتِ زیارت مدینیه
آلدیم اوگُون بَراتیمی زَهرا دیه دیه
وِیر باشه بو عنایتی یا ثاُمن الحُجَج
- چهارشنبه
- 31
- شهریور
- 1400
- ساعت
- 17:28
- نوشته شده توسط
- یوسف اکبری
- شاعر:
-
ناشناس ؟؟؟
ارسال دیدگاه