• پنج شنبه 9 فروردین 03


در مدح امام رضا(ع) -(ای گوزل مزاری زینت خراسان)

714

ای گوزل مزاری زینت خراسان
آستان قدسی افتخار ایران
قبرون حجّ اکبردی، کعبه تک معطّردی
ای حبیب یزدان، ای حبیب یزدان

شکر اولا خدایه یتمیشوخ مرامه
قبرون اوسته یکسر گَلمیشوخ سلامه
جان فدا سنون تک بیر رئوف امامه
بو مزاره زوّاروق، جدّیوه عزاداروق
ای حبیب یزدان، ای حبیب یزدان

قبریوین وصالی سالدی اشتیاقه
اشکیله سَپاق سو بو گوزل رواقه
شهلر هر زماندا لطف ایدر قوناقه
گَلمیشوخ سنه مهمان، بو مزاریوه قربان
ای حبیب یزدان، ای حبیب یزدان

ای ویرن مزاری عالمه فزایش
چوخلاری بو قبره یولّیوب سفارش
باشیوه دولانّوق ایلیوبله خواهش
التماس ایدوب چوخلار، یار یارینی یوخلار
ای حبیب یزدان، ای حبیب یزدان

کوچ ایدنده قوردوخ بزم غم طونده
گَلدی داده چوخلار طوسه عزم ایدنده
ایتدی یار و یولداش ناله بیز گَلنده
گَلمدی اولار افسوس، قبریوه اولا پابوس
ای حبیب یزدان، ای حبیب یزدان

روز و شبده گَلّوخ نی کیمی نوایه
آغلاروخ حسینه گاهی کربلایه
وار بو یرده ماتم گَلمیشوخ عزایه
فاطمه گَلوب داده، آغلوری بو اَثناده
ای حبیب یزدان، ای حبیب یزدان

عالمه سالوب غم جدّیوین عزاسی
کربلادی خلقین دلده مدّعاسی
هر اورکده واردور کربلا یاراسی
اعظمی یانوب آغلار، گوز یاشین یوزه باغلار
ای حبیب یزدان، ای حبیب یزدان

  • شنبه
  • 3
  • مهر
  • 1400
  • ساعت
  • 15:49
  • نوشته شده توسط
  • یوسف اکبری

برای بارگذاری فایل در سایت اکانت مداحی بسازید


حجم فایل 287.58 KB
تعداد بازپخش 25
تاریخ بارگذاری شنبه 3 مهر 1400 12:20
حجم فایل 1.15 MB
تعداد بازپخش 12
تاریخ بارگذاری شنبه 3 مهر 1400 12:20

ارسال دیدگاه



ورود با حساب گوگل

ورود کاربران