اولمشام ایللردی من عاشق صفای زینبه
حاضرم جان بذل ایدم واللهی پای زینبه
ويرسه لر مین دُرّ اعلادن دولی گنجینه نی
اولمیوب اولماز یقین قیمت وفای زینبه
بو قرا پرچمده که عشق اهلی یازینب یازوب
سلطنت تاجیندن افضلدور گدای زینبه
حشریده دوشمز حسینه آغلیان عاشق اودا
شرطی وار شامل اولا روحی دعای زینبه
من او مستم جام زینبدن مِی ناب ایچمیشم
گلمشم سس قوشماقا بوردا نوای زینبه
ساتمشام سرمایه ی دنیانی، دلدار عشقینه
رَحموز اولسون ورمیون داش آشنای زینبه
دانه ی یاره کبوتردنده آرتیق قانعم
عاشقم نیلوم در دولتسرای زینبه
سَپ گلاب اشکوی، دامانوه گل عطری یای
دعوت ایت زهرانیده گلسون عزای زینبه
بزم ماتم زینبوندی نوحه خوان لازم دگُول
هرکیم عاشقدور توکر گوزیاشی پای زینبه
حشریده "سیفی" یقیناً واردی اعلا منزلت
شاعر اهل دل و نوحه سرای زینبه
- یکشنبه
- 4
- مهر
- 1400
- ساعت
- 14:40
- نوشته شده توسط
- یوسف اکبری
- شاعر:
-
سید تقی سیفی اردبیلی
ارسال دیدگاه