فراق فاطمه ده اولدی سوگوار اسلام
غمنده باتدی عزایه شرایع و احکام
مدینه نی گیجه غرق ایلمیشدی ظلماته
دوتار جهانی خسوفه ماه ظلام
ستاره لردن افول ایتدی موج ظلمتده
پیمبرین قیزینی قبره تاپشوراندا امام
سکوت محض اولوب کایناته مستولی
تمام انفس و آفاق، غرقه اوهام
لسان حق دانشور نه بیانیله یارب؟
ندن حکایت ایدیر لحن قول و طرز کلام؟
دل آچدی هر دله تقریر اعتباری ویرن
دانشدی هر سوزه گفتاری منبع الهام
ایله دانشدی که ذرات کونی یاندیردی
ایله دانشدی که هر نفسدن آلوبدی قوام
سن ای چراغ شبستان آرزو و امید
سن ای نهال گلستان آشنایی و کام
سن ای ریاض محبتده سوری شاداب
سن ای حدائق عزتده نخل سرو اندام
سن ای حریم امامتده شمع بزم مراد
سن ای جهان نبوتده نور صبح مرام
سن ای ترانه عصمت، لسان قدسیده
سن ای حمامه رحمت فرار عرش مقام
سن ای بهار امیدیم نه تز خزان اولدون؟
نه تز بو گلشنی سولدوردی چرخ ارزق فام
منه سراچه ظلمتدی بو جهان سنسیز
نجه که اولماسا گون تیره شام اولور ایام
نجه حسین و حسن دردینه ویروم تخفیف؟
نه نوع زینب و کلثومی ایلیوم آرام
سنیله بیت امامتده هر صفا واریدی
قیریلدی رشته الفت ، پوزولدی سبک نظام
نولوبدی قبریون اوسته سنه سلام ایدورم
نوازش ایتموری جان گوشنی جواب سلام
کیمیله درد دل ایلوم فشار محنتده؟
کیمه دیوم سوزیمی ایلسه هجوم آلام؟
اورکدن آیریلوقون دردی زایل اولماز، اولا
اگر چه عمریمون ادواریده تاپا اتمام
علی که خنده ویروب شدت مهالکده
مصیبتونده توکر اشگ صبح اولا یا شام
غمیم همیشه لیق اولدی، مصیبتیم دائم
ملال و حزن موبد، فشار غصه مدام
دانشدی بسکه کنار مزار زهراده
گتوردی قبریده روح بتولی فریاده
سن ای تجلی نور هدا روانیمده
سن ای نفوذ ولای الست جانیمده
سن ای ترشح ابر عنایت ازلی
بنفشه و سمن و یاس و ارغوانیمده
سن ای سحرگه رحمت، نسیم جان بخشی
شکوفه و گل و گلگشت و گلستانیمده
سن ای حریم سویدای دلده صدر نشین
سن ای مکین امین، بزم لامکانیمده
او اود که ویردیلا درگاه باجلالتوه
هنوز سوزشی وار مغز استخوانیمده
او اود که ویردیلا درگاه باجلالتوه
هنوز سوزشی وار مغز استخوانیمده
نه حاله قالدی او گون طایران گلشن قدس
که چکدی شعله جفا ناری آشیانیمده
بو درد شدتنی آشنای درد بولر
نفوذ ایستدی بیگانه دودمانیمده
او لحظه که سنه بیر لحظه قیامت اولوب
نه چکدی دل دیماقا یوخ توان بیانیمده
ولایتونله ولی دل تاپاردی آرامش
یاناردی مشعل توحید خانمانیمده
نبرد حال حیاتیمده سن امیدیمدون
یوخ اوزگه قبریده سندن صورا گمانیمده
نیاز اولمادی ایتسون سوال امامتدن
فرشته گوردی آدون نقشینی زبانیمده
نقدر شرم ایدورم ایتمدی وفا عمریم
یتوب بهاریوه آفت منیم خزانیمده
چوخالدی غصه و دردون عم اوغلی جان بولورم
یانار نهانیده قلبون غم نهانیمده
نه عمر باشه یتوب، یتدی باشه عهد ولا
بو علقه ریشه سی وار جوهر روانیمده
ریاض خلده تماشایه احتیاجیم یوخ
که واردی نقش رخون چشم خونفشانیمده
بهار اولاندا ویرر لاله باش مزاریمدن
که شرح حال ایلسون نقل داستانیمده
یانار او حال جگر سوزه شاعریم (عابد)
نجه که اودلانی فیروز نوحه خوانیمده
ایده له اهل عزائیله ناله و فریاد
که بزم غم قورالار بلکه آستانیمده
- سه شنبه
- 6
- مهر
- 1400
- ساعت
- 19:1
- نوشته شده توسط
- یوسف اکبری
- شاعر:
-
محمد عابد
ارسال دیدگاه