قلبیده غصه لرین ایلدی طوفان یارالی
شامیده من تک و تنها وریرم جان یارالی
بیر نفر یوخدی یته دادیمه قارداش اولورم
باشیم اوستونده فقط وار حق جانان یارالی
غصه نین دهریده شاهنشه نام آوریم
وریرم اللی ایلین غصه سینه سان یارالی
منده زهرا کیمین الله دان اولوم ایسته میشم
یازیلیب زینبیوین عمرونه پایان یارالی
باجیوام لیک سنه عاشق شوریده سرم
شه مریدانه باخار ای شه خوبان یارالی
گرچه عمروم قوتاریب من سنه چوخ آغلامیشام
حشره تک قبریده اولام سنه گریان یارالی
جان ورن لحظه لرین یادیمه دوشسه یانارام
اولارام شام و سحر نی کیمی نالان یارالی
یوماندا گوزلریمی قتلگاهیوی گورورم
گوزومده منزل ائدوب شمریلن سنان یارالی
غریبه عالمیدی بزم قتلگاهینده
جوشوردی چشمه کیمین پیکرونده قان یارالی
کسنده باشیوی گلدی گمانیم اللریمه
کسوبدی اللریمی ورمدی امان یارالی
وراندا شمر منی گوزلرین باخیردی حسین
گوزوندن اشکین اولوردی یوزه روان یارالی
گون ایستی سینده یارالی سوسوز شهیداولدون
اولونجه اولدی ایشیم ناله و فغان یارالی
گونون حرارتینه چاره تاپمادیم قارداش
منیم بو زلفلریم اولدی سایبان یارالی
گورنده بارماقیوی یوخدی جایگاهینده
ددیم دوشوبدی یره آیه ی قران یارالی
گورورم حرمله نی الده دوتوب تیر و کمان
قلبیوه نازل اولوب اوچ پره پیکان یارالی
بو غصه قلبیمی چوخ یاندریب یاخیردی منیم
وئریردی دشمن بی دین ندن اذان یارالی
دییردی شمر دنی جمله خارجی دی بولار
بو سوزلریله بیزی ائتدی باغریقان یارالی
خیال غارتیله اوت خیامه وردی عدو
یانیبدی اوتدا بئله هانسی خانمان یارالی
خیمه لر گرچه یانیب سوندی نهایت شرری
سونمیوب دلده هله شعله سوزان یارالی
خلف وعده ایلیوب کوفه لیلر سوزلرینه
دین و دنیالرینی ساتدیلار ارزان یارالی
کوفیه وارد اولاندا داش آتوب اهل نفاق
نیزده باشلار اولوب قانیله غلطان یارالی
گئدنده شامه نه چکدیم فقط خدا بولدی
وراردی قیزلاری چوللرده ساربان یارالی
سنون گوزوندن ایراخ چوخ دویولموشم قارداش
ساچیم آغاردی اولوب قامتیم کمان یارالی
شهادتیله یتیشدون مرامه کام آلدین
نصیب اولوب باجیوا غصه ی گران یارالی
او قدر ناله ایدوب آغلادیم فراقونده
یازوبلار آدیمی دفترده نوحه خوان یارالی
وار یادیندا سنه من شام غریبان دوتدوم
سنده گل دوت باجیوا شام غریبان یارالی
غصه لی سوزلریمی شعره چکوب طائر عشق
وار مریضه آناسی سن ایله درمان یارالی
طائر اورنگی
- جمعه
- 29
- بهمن
- 1400
- ساعت
- 15:48
- نوشته شده توسط
- طائر
- شاعر:
-
طائر اورنگی
ارسال دیدگاه