یا امام الرئوف
مدیونیدور مزاریوه گلشن صفاسینی
عطرین معطر ایلدی طوسین هواسینی
بلبل ازل لالیدی رواقیندا آچدی دیل
مرهونیدور وجودیوه بلبل نواسینی
مجنون سنون محبتیوه ایلر اقتدا
لیلی مریضی باشدان آتار ابتلاسینی
دردی اولان مریضی اولان حاجتی اولان
مطلق سنون قاپیندا آلار ئوز شفاسینی
چوخ ملتجیدی درگهیوه غیر شیعه لر
گلسه آلار یهودیده دردین دواسینی
پروانه وار شام و سحر عشقیلن تمام
ایرانیلار زیارت ائده لر آقاسینی
من طائرم محبت ائله ایها الرضا
ور ریزه خواریوین سن ئوزون کربلاسینی
تقریر ۱۳ بهمن سال ۱۴۰۰
طائر اورنگی
- جمعه
- 29
- بهمن
- 1400
- ساعت
- 15:54
- نوشته شده توسط
- طائر
- شاعر:
-
طائر اورنگی
ارسال دیدگاه