حق بی همتا بتونه ایستدی " تا "خلق ائده
دختر پیغمبره ایستکلی همتا خلق ائده
دخت طاهادن دوباره نور طاها خلق ائده
حیدر کرار تک قران گویا خلق ائده
زینت نام علی و دخت کبرا خلق ائده
جنته تا بیر گل خوشبو و زیبا خلق ائده
بانوانین مجلسینده مجلس آرا خلق ائده
عاشق جان برکف عشقی سراپا خلق ائده
کان ایثار و وفا و صبره دریا خلق ائده
قله عشقی تصرف ائتسون عنقا خلق ائده
الغرض تا حضرت زهرایه زهرا خلق ائده
حضرت جانان علی مولایه زین اب وئروب
خلق ائدوب بیر سویملی قیز حیدره زینب ویروب
خلق و خوی مهربان مصطفی زینبده دی
عصمت الله عصمت خیرالنسا زینبده دی
ذوالفقار نطق تیز مرتضا زینبده دی
صبر زیبای امام مجتبی زینبده دی
غیرت شاه شهید نینوا زینبده دی
قارداشی عباسیدی ذات وفا زینبده دی
دردمندان تئز گلون درده دوا زینبده دی
مشکلون اولسا ید مشکل گشا زینبده دی
بینوا فرض ایلمه آه و نوا زینبده دی
مدعیلر عشقیده فانی بقا زینبده دی
بلی دوز سوزدی کلید کربلا زینبده دی
اولیا الله یری وار زینبه ویرسون سلام
درگهونده جمله مجنونلار گدادی والسلام
- جمعه
- 29
- بهمن
- 1400
- ساعت
- 16:3
- نوشته شده توسط
- طایر
- شاعر:
-
طائر اورنگی
ارسال دیدگاه