تا دست خدا آینه دن سیلدی غباری
عشقی یارادیب خلق ایلدی قامت یاری
نقاش ازل گور نجه زیبا یارادیبدی
تذهیب وروب نقش ایلدی ماه عذاری
سرخاب بهشتیله ائدوب صورتی تزئین
ترسیم ایلدی مه یوزونه چشم خماری
قاش کپریگینی چکدی سبب غمزه یاراندی
آغ صورته زلف سیهی ایلدی جاری
به به بئله خلاقه بئله خلق عظیمه
گورموبدی بنی آدم و حوا بو نگاری
یوسف که گوزلیخدا اوزی شهرتی واردی
تا گوردی گوزل صورتینی اولدی فراری
طائر بیله خلاقه ایله سجده پیاپی
اعجاز ایلیوب خلق ایلماخدا ید باری
تقریر ۲۸ آذر ۹۹
- جمعه
- 29
- بهمن
- 1400
- ساعت
- 20:23
- نوشته شده توسط
- طائر
- شاعر:
-
طائر اورنگی
ارسال دیدگاه