نگاریم گلمدی یا رب بهاریم تئز خزان اولدی
زبس آغلار گونوم گئچدی سرشکیم گوزده قان اولدی
سنون هرلحظه هجرونده اوقدری آغلادیم یاندیم
غم جانکاهین آخیرده اورکده جاودان اولدی
زواله گلدی گل یکسر صفا گلزاریدن گئتدی
منیم تک نغمه خوان بیر قوش غمونده روضه خوان اولدی
نه اندازه چکم غصه گلایه ائتمرم هرگز
جهاندا رسمیدور عاشق مکرر امتحان اولدی
غریبه دلبرا بولمز سنون عشقونده بیمارم
دیلیم آغزیمدا باغلاندی نه وار دلده نهان اولدی
خم ابرووی تا گوردوم وجودیم انعکاس آلدی
نئجه ابروی دلبر تک منیم قدیم کمان اولدی
گوزوم یاشیندا یوخ ارزش اگر اخسا عذاریمدن
نگارا طائرین چشمی غمونده خونفشان اولدی
تقریر ۶ ابان ماه ۹۹
- جمعه
- 29
- بهمن
- 1400
- ساعت
- 23:8
- نوشته شده توسط
- طائر
- شاعر:
-
طائر اورنگی
ارسال دیدگاه