یاصاحب الزمان ادرکنی
خیال دلبریله دل گئجه گوندوز نواخواندی
سالوب تشویشه احوالیم فراقونده پریشاندی
نه وار وصله خیالاتین نده پیک صبا گلدی
بولن یوخ انتظاروندان یانان قلبیم دولی قاندی
بو قدری ای جفاگستر دل عشاقی یاندیرما
سنون عشقونده عشق اهلی اولوب دیوانه حیراندی
آچوب تا دل دئدیم آدون قیامت اولدی قلبیمده
گلوب موجه گوزوم یاشی گوزومده سیل و طوفاندی
ازل گوندن بودور عهدیم خدای ذوالجلالیه
خدا خلق ائتدیقی جانی دئدیم دلداره قرباندی
قبول ایله فدا اولسون سنه بو بی بها جانیم
نه من عشق اهلی سرتاسر فدای چشم جاناندی
نظر ایله قفس سینسین فراقون وصلته دونسون
و الا طائره سنسیز بو دنیا بند و زنداندی
تقریر ۲۲ تیرماه سال ۹۹
التماس دعا
- پنج شنبه
- 5
- اسفند
- 1400
- ساعت
- 5:35
- نوشته شده توسط
- طائر
- شاعر:
-
طائر اورنگی
ارسال دیدگاه