روحومون لذتی بیر نرگس مستانه ده دور
نئچه مدتدی خیالیم دولی پیمانه ده دور
سیر ائدور عقلیله قلبیم متناقض طرفه
مسجده عقل گیدور دل ولی میخانه ده دور
حسنه باخ پیر و جوان عاشق اولوب گوزلریوه
جذبه ی عشق فقط دلبر جانانه ده دور
ابر و باد و مه و خورشید و فلک مات قالوب
خلقتین فکری سنون تک گل دردانه ده دور
بیرجه سندن بو خلایق گوزلیم بهره آلور
ماسوا عاشق آدی صفحه افسانه ده دور
بو جهان جمله گدا ریزه خور خوان کرم
گوزوموز وصل گونی سفره ی شاهانه ده دور
طائرا کاش فراقون گئجه سی روشن اولا
صبح وقتینده گوراخ یاریمیزی خانه ده دور
- پنج شنبه
- 5
- اسفند
- 1400
- ساعت
- 5:37
- نوشته شده توسط
- طائر
- شاعر:
-
طائر اورنگی
ارسال دیدگاه