رسمیدور یانسا سپللر اتش سوزانه سو
یا وئرللر بیر ایچیم تشنه اولان قربانه سو
دست حق خلق ایلدی زهرایه مهریه سنی
خلق اولونموشدون فقط بیرجه بو بیر عنوانه سو
سن ازل مهریه ی صدیقه ی کبری ییدون
فاطمه قیزلارینا اولدون نده ن بیگانه سو
تشنه قیزلار باخدلار اخدوخجا سن آغلاشدیلار
یوسف اولدون سالدی هجرون اوت دل کنعانه سو
کثرتون وار جاری سان بی ارزش هر بحر و بره
ظهر عاشورا ولی اولدون عجب افسانه سو
بیر به بیر یاندیرمیسان اکباد انصار اللهی
جوریله آتش سالیبسان سن دل مردانه سو
للعجب برعکس اولوب ایشلر تناقض گورسنوب
اولدون اغیاره روا سن ناروا جانانه سو
قانه دوندردون حسینون باغرینی ای بی وفا
چوخ روادی دونسه گر ماهییتون القانه سو
اوف اولا سن تک سویا یاندیردون آل حیدری
دشمن ایچدی سن حرام اولدون لب سلطانه سو
هر ایکی عالم خجلسن اصغر ششماهه دن
حشره تک سن رو سیه سن آند اولا قرانه سو
یاتمادی شب تا سحر سوز عطشدن آغلادی
یاندی اصغر اولمادون قسمت لب عطشانه سو
وار نه علت سن ربابه ایلدون بیله جفا
بیر خیامه آخمادون آخدون ولی هر یانه سو
طائرا سویله فراته شرم ایله عباسیدن
ایلدون شرمنده عباسی گتیردون جانه سو
تقریر و تکمیل ۱۲ فروردین ۹۹
- پنج شنبه
- 5
- اسفند
- 1400
- ساعت
- 5:43
- نوشته شده توسط
- طائر
- شاعر:
-
طائر اورنگی
ارسال دیدگاه