السلام علی العشق
سًر مخفیدور وجودون ای وجودی شاه عشق
آسمان عشقیده اولدون ایشیقلی ماه عشق
ایلرم شام و سحر رخساریوه من اقتدا
گوسترور چون طلعت رویون منه شهراه عشق
اولموشام زلف گره گیرینده دائم من اسیر
نرگس مستون سیه زلفون اولوب دلخواه عشق
قوخمارام هر نه بلا گلسه بو عشق اوسته وارام
عاشقان عالمه کویوندی ایمن گاه عشق
هجریوه بیر عمر اگر عمر اولسا صبر ایلر اورک
نا امید ائتمز فراقینده غم جانکاه عشق
بسدی فرقت نازنین دلبر اگر سن گلمسن
یاندیرار قلب تمام عاشقانی آه عشق
طائرا بسدور سنه بو امتیاز عشق عالمی
اولموسان بیر دلربا دلداره خاطر خواه عشق
روز سه شنبه ۱۳۹۶/۹/۲۱
??
- دوشنبه
- 23
- اسفند
- 1400
- ساعت
- 19:36
- نوشته شده توسط
- طائر
- شاعر:
-
طائر اورنگی
ارسال دیدگاه