ماه رحمت یتیشوب وعده دادار گلوب
وصل هنگامه سیدی وصلته دلدار گلوب
باب بی واسطه حضرت باری آچیلیب
صف به صف مجرم مترود و گنهکار گلوب
رمضان دی مه بذل و کرم و بخشش و جود
گیزلدر هر نه گناهین اولا ستار گلوب
اون بیر آی یار دالینجا گزوروخ شام و سحر
نه گوزل آیدی کی دیداره بو آی یار گلوب
فرقی یوخ درگهینه کیمسه نه نسبتده گله
گل گلوب سرو گلوب سبزه گلوب خار گلوب
چاغیرون وقت غنیمتدی هامی عاصیلری
الی بوش آز عمله یاخجی خریدار گلوب
شیخه ده چوخ اوخوما آیه ی قهاریتین
ور خبر خیل گنهکاره که غفار گلوب
طائرا تاپدی سعادت هر او کسلر کی بو آی
رمضان سیرینه با دیده ی بیدار گلوب
تقریر بامداد روز دوم رمضان ۱۴۰۱
#طائراورنگی
- دوشنبه
- 15
- فروردین
- 1401
- ساعت
- 3:23
- نوشته شده توسط
- طائر
- شاعر:
-
طائر اورنگی
ارسال دیدگاه