مناجات ... در هنگ زهرا مرو مرو
یارب درمانده قالمیشام سن چشم زاریمه باخ
سنسن دردیمه طبیب حال بیماریمه باخ
عفو ایله سن گناهیمی یارب رحم ایله منه
گلدیم باب کریمیوه امیدیم واردی سنه
درگاهیوه بنده گلوب ..... محزون و شرمنده گلوب
یارب گذشت ایله
من رو سیهی عفو ایله ....بیزدن گنهی عفو ایله
یارب گذشت ایله
ای حق غفور و رحیم العفو یارب
ای خالق حی و قدیم العفو یارب
الله الله الله الله العفو یارب (۲)
❌❌❌❌❌❌❌❌❌❌❌❌❌❌
ای رب مهربان منیم باخ یوزده گوزیاشیما
لیله القدریده گلوب قویام قران باشیما
لطف ایله سن اوزون خدا آغلار قویما گوزومی
سنسن احسن السمیع یارب اشیت سوزومی
العفویدی دیلده سوزوم ...واردی کرمینده گوزوم
یارب گذشت ایله
هر چند یوزی قاره منم ....مسکین و بیچاره منم
یارب گذشت ایله
ای حق غفور و رحیم العفو یارب
ای خالق حی و قدیم العفو یارب
الله الله الله الله العفو یارب (۲)
❌❌❌❌❌❌❌❌❌❌❌❌❌❌
ادعونی استجب لکم دعوت ایلدون منی
گرچه چوخدور گناهلاریم منده سسلیرم سنی
هر یاندان من ال اوزموشم یوز گتدیم رحمتیوه
سنده گل ائتمه ناامید آند اولسون عزتیوه
ای گژ کوسن رب جلیل ....اولدوم قاپیوا من دخیل
یارب گذشت ایله
سنسیز بولورم یانارام .....باخسان یولی تز تاپارام
یارب گذشت ایله
ای حق غفور و رحیم العفو یارب
ای خالق حی و قدیم العفو یارب
الله الله الله الله العفو یارب (۲)
❌❌❌❌❌❌❌❌❌❌❌❌❌❌
یارب طائره بال و پر ور تا پرواز ایله سین
قدرت ور سن سوزلرینه شعری اعجاز ایله سین
بیرده بو خسته گویلومه باخ تاپسین ذره صفا
بو جمعه ور اوزون برات اربعین کرب و بلا
ای قلبیده نور جلی .... عفو ایله به عشق علی
یارب گذشت ایله
شفیعیدی میر حنین ....عفو ایله به حق حسین
یا رب گذشت ایله
ای حق غفور و رحیم العفو یارب
ای خالق حی و قدیم العفو یارب
الله الله الله الله العفو یارب (۲)
#مناجات
#مناجات_رمضانیه
#طائراورنگی
- سه شنبه
- 30
- فروردین
- 1401
- ساعت
- 22:34
- نوشته شده توسط
- طائر
- شاعر:
-
طائر اورنگی
ارسال دیدگاه