بسدور رباب حرمله بیدار اولار گنه
اغیار طعنه سی سنه دشوار اولار گنه
بسدور آز آغلا آهیله یاندیرما داغ داشی
نیزه تکان یِسه دوشجک اصغرین باشی
بسکه چوخ آغلادین قورودی گوزیاشین سنین
در عرض بیر گیجه آغاریبدی باشین سنین
ویرمه او تازه کوینگی بیر کیمْسیَه نشان
گهواره یوخدی اللریوی ویرمه دای تکان
بسدور رباب قوجاقلاما حسرتله دیزلرین
فکر ایله اصغر آدلی بالان یوخدی هیچ سنین
بسدور رباب قویما اورک آه و وا ائده
بیرده چتیندی سو ؛ بوغازینان سنین گیده
بسدور رباب دعا ایله قانین آلان گله
بو ناله لردن اولمیاجاق صود امر سنه
(ماه پرورم) منه لطف ایتمش ئوزلری
بیر فارسی شعره ترجمه یازدیم بو سوزلری
ــــــــــــــــــــــــــ
- شنبه
- 17
- تیر
- 1402
- ساعت
- 16:2
- نوشته شده توسط
- یوسف اکبری
- شاعر:
-
رضا ماه پری زنجانی
ارسال دیدگاه