یابن الحسن ای یوسف زهرا آقا تیز گل
ای حجّت حقّ سرور دنیا آقا تیز گل
دنیانی دوتوب فتنه و بلوا آقا تیز گل
سن سیز دولانوب گوندوزوموز لیله تاره
روبه صفت انسانلار اولوبدی همه کاره
تبعیض و ریا مهر و وفانین یرین آلدی
دفن اولدی عدالت دلیمیزده آدی قالدی
انسانیتی تختیدن انسان یره سالدی
قرآنی ویریب نیزیه قرآن اوخویانلار
مکریله صداقت باشینا بورک توخویانلار
دین اوسته عزیزیم گوزون آچ گور نه خبردی
دشمن آلوب اطرافیمیزی یوم خطردی
دشمن هله قالسین خودی اونانا بتردی
تیر غم اندوه اولوب سینمیز آماج
بیر عده خودی مملکتی ایلدی تاراج
یول گورسدیر ایمانی ضعیف خلق عوامه
سوز اهلی گرک دقت ایده سوزده پیامه
بولاردا زُبیرین کیمی دشمندی امامه
دنیانی بولار اسلاما بدبین الیوبلر
میلیاردی حقوق اوباشا تعین الیوبلر
بیر عدده شرمنددی اهل و عیالیندان
الده پولو یوخ جنسه باخیر شیشه دالیندان
الله سن ئوزون باخبرن بی پول حالیندان
انصافیدی گنج اوسته آجیندان یاتا انسان
بیچاره لرین فکرینی باشدان آتا انسان
انسان گرک هم نوعلرین فکرینه قالسین
مردانه صفت پرچم عدلی اله آلسین
تزویری ابوالفضل کیمی آتدان یره سالسین
آسایش دنیانی رها ایلدی عباس
بیر جوت قولونی دینه فدا ایلدی عباس
هر یر بیزه یاز ای قلمیم کرب و بلادی
حق جبهه سینین یاوری هر یرده خدادی
مظلومیلرهر دهریده محکوم بلادی
کیم یا علی سسلیر دلین آغزیندا کسیلر
بو شیعه لرین توکمگه قانین تلسیلر
آگاه ایلین یوخدی سپاه طلقانی
وهابی یخاماز آیق اول اهل ولانی
آباد ایلیوب خون حسین کرب و بلانی
باش گیتسده گر رغبتیمیز سازشه یوخدی
بیز آذریوخ حوصلمیز داعشه یوخدی
- شنبه
- 17
- تیر
- 1402
- ساعت
- 16:15
- نوشته شده توسط
- یوسف اکبری
- شاعر:
-
رضا ماه پری زنجانی
ارسال دیدگاه