________________
حافظ خون خدا زینب کبرایم من
اسوهءحجب وحیا صبریده دریایم من
نوهء ختم رسالت گل طاهایم من
تربیت یافتهء حضرت زهرایم من
درس ایثاروشهامت ویرنیم زهرادی
منی غم لر یخابیلمز هدفیم والادی
آتام حیدری آچوب کعبه ده گوز دنیایه
سینسین چاک ایلیوب کعبه اوزی مولایه
ویروب الله ائوینه نور علی پیرایه
باشین الله اوجادیب یردن اونون اعلایه
آسمان شرفین آیدان ایشیق اولدوزویام
من علی بن ابی طالبین ارشد قیزیام
آنامین حرمتینه یر گویی خلق ایتدی خدا
رجسیدن پاک و مطهردی بلون آل عبا
ایلیوبدی کیمه الله بیله بیر منصب عطا
آنامین خاک قدومینن اوپر اهل سما
فاطمه سود ویرنیمدی اودی من شیر زنم
فاتح کوفه و شامم تانیون بت شکنم
زینبم عمه ی سادات بنی فاطمه یم
بی معلم سیز اولان عالمه و فاضله یم
ظلمه باش اگممیشم نابغه یم قائمه یم
بلیمی باغلامیشام راهبر قافله یم
دلده یا فاطمه بو چوللری حیران گزرم
من علی دشمنین نطقیه آغزین ازرم
___________________
- شنبه
- 17
- تیر
- 1402
- ساعت
- 16:36
- نوشته شده توسط
- یوسف اکبری
- شاعر:
-
رضا ماه پری زنجانی
ارسال دیدگاه