________
ای شه کرب وبلا ـــ گوزلرون آیدین اولا
گلدی بوگون عالمه ــــ نور دل انبیا
گوهر یکتا گلوب ـــ دلبر طاها گلوب
ویر بیزه مژده حسین ــ زینب کبری گلوب
ای گل زهرا مدد ـــ زینب کبری مدد
________________________
نوری درخشنددی ــــــ گون کیمی تابنددی
هریره قویسا قدم ــــ مقدمی پاینددی
فاطمه اوپدی اُوزون ــ دللره سالدی سُوزون
هیچ کسه گوز آچمادی ـــ آچدی حسینه گوزون
ای گل زهرا مدد ـــ زینب کبری مدد
________________________
زینب آدی باشدادی ــ صحبتی داغ داشدادی
عالم امکان گوزی ـــ بو باجی قارداشدادی
باشلانوب عشق و وفا ــ شوقه گلوب مرتضی
زینبی تز تز اوپورـــ هی شه کرب و بلا
ای گل زهرا مدد ـــ زینب کبری مدد
________________________
حیف اولا زینب گلوب ــ گیتدی خانیم فاطمه
بش یاشا چاتدی گوروب ــ وار قاپیدا هلهله
شعلهٔ سوزان گوروب ـــ مادر نالان گوروب
یازمارام ای وای نجه ـــ سینه دولی قان گوروب
- شنبه
- 17
- تیر
- 1402
- ساعت
- 16:41
- نوشته شده توسط
- یوسف اکبری
- شاعر:
-
رضا ماه پری زنجانی
ارسال دیدگاه