درسبک:#من_مانده_ام_تنهای_تنها
________________________
باشلانوب ماتم حسین جان
یاس دوتوب عالم حسین جان
آچموشوق آغلار گوزیله
بیر قرا پرچم حسین جان
قاره پرچم لر اسنده
طاقت و صبری کسنده
وای حسین وای سسلرم من
هر محرم لر گلنده
وای حسین جان..وای حسین جان. .جان سنه قربان حسین جان
________________________
تربتون هر درده درمان
الموسان قرآنه قربان
سن ننه زهرا بو جمعی
کربلایه ایله مهمان
کربلادن دویماروق بیز
غم لباسین سویماروق بیز
مهدی صاحب زمانه
یار اولوب تک قویماروق بیر
وای حسین جان. وای حسین جان. جان سنه قربان حسین جان
________________________
ویر خبر دردی اولانلار
غمده گل مثلی صولانلار
دامن مولانی دوتسون
آغلاسین بیمار اولانلار
تربتی خاک شفادی
ناامید ایتمز آقادی
واردی هر یرده مطبی
بیر مطبی کربلادی
وای حسین جان. وای حسین جان. جان سنه قربان حسین جان
- شنبه
- 17
- تیر
- 1402
- ساعت
- 17:17
- نوشته شده توسط
- یوسف اکبری
- شاعر:
-
رضا ماه پری زنجانی
ارسال دیدگاه