همسر شیر خدادی فاطمه
چشمه آب بقادی فاطمه
مریم عیساده تاکید ایلیر
مظهر حجب وحیادی فاطمه
وارمریض لاعلاجون ای بشر
آگه اول درده دوادی فاطمه
اولماسن روزجزادن دل غمین
شافع روز جزادی فاطمه
اسوه دی نسوانه شان ورتبه ده
یادگار مصطفادی فاطمه
طوی لباسین هدیه وئردی سائله
بدویدن اهل سخادی فاطمه
عاجزم تا ایلیم من وصفینی
مفخر آل عَبادی فاطمه
منزلینده سیر ائدر افلاکیان
معنی خیر النسادی فاطمه
دین یولوندا چکدی چوخ ظلم وستم
دهریده درد آشنادی فاطمه
گتدی دنیادن اوگون که مصطفی
گوردولر تیغ ولادی فاطمه
ثانی شرح ائتدی شرارت اهلینه
مرتضایه خون بهادی فاطمه
بیعت آلوخ بیز علیدن عاقبت
گرچه سد ماجرادی فاطمه
اود ویریب یاندیردیلار دروازه سین
ماجراسی غم فزادی فاطمه
هاردا یاداولسا حسینین روضه سی
صاحب شال عزادی فاطمه
- شنبه
- 17
- تیر
- 1402
- ساعت
- 17:46
- نوشته شده توسط
- یوسف اکبری
- شاعر:
-
عبادی طارمی
ارسال دیدگاه