سلیمانلار اولار سائل حسینون آستانینده
تاپارنوح نبی ساحل حسینون آستانینده
اولور کربوبلاسیندن دمادم عرش سبحانه
اورکلرخالقه واصل حسینون آستانینده
اگرجهدیله سیندیرسا غرورین قاره قلبینده
دونراندیشه ی جاهل حسینون آستانینده
مسلمدی عطا ایلر حسین مقصود مسکینی
جماعت حل اولار مشکل حسینون آستانینده
کیمه بیر گوش چشمیله عنایت ایلسه آخر
اولار فرزانه ی فاضل حسینون آستانینده
گوزل شش گوشه سین هردم زیارت انبیاءایلر
بشراولماگینان غافل حسینون آستانینده
جهانی مات ادیب یکسرمفاخرلر اولوب حیران
گزر دیوانه وار عاقل حسینون آستانینده
قیامت عرصه گاهینده شفاعت امرینه آری
اولوبدی فاطمه عامل حسینون آستانینده
توکر گوزیاشینی هردم خلوص قلبیلن شیعه
اولار افلاکیان خوندل حسینون آستانینده
اوقدری سسلدیم آدین دیلیم یاندیردی دنیانی
تاپیلدی عشقیمه قائل حسینیون آستانینده
حقیقت پرچمون وئیردی بلالی دشتیده یاران
گزنمزسیره ی باطل حسینون آستانینده
بصیرتلن اگرباخسان گوررسن کون وامکاندا
یاریر زینبلری محمل حسینون آستانینده
- شنبه
- 17
- تیر
- 1402
- ساعت
- 18:9
- نوشته شده توسط
- یوسف اکبری
- شاعر:
-
عبادی طارمی
ارسال دیدگاه