جمعه آخشامی سنی یاده سالیب آغلیارام
غم هجروندن آنا سینمی من داغلیارام
سپرم قبریوه سو تاسرین اولسون اورگیم
نقدر عمریم اولا من سنه یاس ساخلیارام
نقدر گوزیاشی توکسم سنه کمدی آناجان
اورگیم قانه دونوبدی دولی غمدی آناجان
آتامی پیر ائلدون واله و محزون دولانیر
قلبینی غملر آلیب پیکری خمدی آناجان
سنیدون شام و سحر محرم زازیم آناجان
سن اولاندا یوخودی خلقه نیازیم انا جان
قلبیمین تاب و توانی سنیدون دنیاده
سنگ قبره نجه من آدیوی یازیم آناجان
نه اولار بیرده منه دردیوی های های دییسن
منی آغوشه آلوب لطفیله لایلای دییسن
چکسن باشیمه بیر یولدا نوازش الیوی
گولشنوندن آنا جان بیرده منه پای دییسن
- شنبه
- 17
- تیر
- 1402
- ساعت
- 19:59
- نوشته شده توسط
- یوسف اکبری
- شاعر:
-
عبادی طارمی
ارسال دیدگاه