شاهبیت از #جهان_سلیمانی
زینب کیمی تاریخیده ه‍ئچ بت شکن اولماز
زهرا قیزی مثلی داخی بیر شیر زن اولماز
#آزادمهر
یثربده گلوب عالمه شاماتیده ئولدی
زینب کیمی عالمده جلای وطن اولماز
زهرا توخیان پیرهنی سینیه باسدی
یعنی منه غساله بونون تک کفن اولماز
ای باد صبا کرب و بلایه گذر ایله
زینب دئنن ئولدی بورا بیلم گلن اولماز
دنیاده بلا چکدی حسینیمده ننمده
زینب کیمی ای شیعه مصیبت چکن اولماز
گلزاریمه اسدیردی فلک باد مخالف
دنیا بویی بیرده بئله باد محن اولماز
#سلیمانی
چوخ باجی ئولوب غمزده و در به در اما
زینب کیمی کیمسه بئله مظلوم ئولن اولماز
سسلندی حسین زینبی درک ائیله آماندی
آخر نفسیمده منه بیر باش چکن اولماز
جبریل سیلور آلنیمی گویلوم سنی ایستور
دنیا یغیشا دوریمه بیر لحظه سن اولماز
از بس کی منی ویردی عدو قمچی لریلن
بیلم آنام اوغلی بو بدندن بدن اولماز
باخ بخته رقیه بالاما قبر کن اولدوم
جان اوستیم اما منه بیر قبر کن اولماز
قلبیم کیمی صدپاردی سینمده نشانون
جاندور منه اما سنه دای پیرهن اولماز
ویر اصغری عباسه ئوزون گل منه باش چک
عباس کیمین اصغره لای لای دین اولماز
#خرازی
گوی عالمی آغلار بیله بیر شیرزن ائولسه
زینب خانمن قدرینی یرده بولن اولماز
درس آلسا اگر زینب حیاسین گوره قیزلار
زینب توکونی غیرِ حرمده گورن اولماز
#لطفی: .:
مخلوق آرا زینبده یتوب صبر کماله
عالمده بلایه بیله صبر ایلین اولماز
غم غصه دن اندازه ی صبرین خبر آلدیم
بیر سر نهاندی دیدی هرگز علن اولماز
#احمدی
هرکس چاغریب آدوی چوخ رتبه سی اولدی...
سویلردی "سلیم" بیرده بله سینه زن اولماز...
درک ایلمز عالم نیه کی اولدی رقیه...
بوغصه نی عالمده سنون تک بیلن اولماز....
#نادری
اوز عشقینی اثبات ائلدی قارداشی گورسون
دنیاده بوجور دای باجی قارداش گورن اولماز
#نصیری
سویلردی حسین قلبی سینیق زینبه باش چک
سن گلمسون آخر باشیم اوسته گلن اولماز
#عبادی
امر ایلدی مولا که اوزاخ گزمه حسیندن
مقتلده اونون قانینی سنسیز سیلن اولماز
مریم لره سارالره گورسدی که هیچ قیز
زینب کیمی نهضت علمیندن اوپن اولماز
داعش بیزی محروم ایده بیلمز حرمیندن
فکر ایلمه سین گورخولی شامه گدن اولماز
ایوب چکیب گرچه طریقتده ریاضت
زینب کیمین اما غمی زیبا گورن اولماز
سسلندی حسین گتمه منی قویما حسین سیز
سن سیز بیلیسن سوزلریمه دوز سپن اولماز
لشکرده اولار پیر و جوان میر وعلمدار
هچ شاهی ولی یاری ایدن صود امن اولماز
واعظلره اعلان ائلدی کاخ ستمده
زینب کیمی بنیان یزیدی کسن اولماز
- شنبه
- 17
- تیر
- 1402
- ساعت
- 20:6
- نوشته شده توسط
- یوسف اکبری
- شاعر:
-
جهان سلیمانی
ارسال دیدگاه