لعنت اولا شورایه که میندیردی لعینی
هرگونده ملک بوسه ویران منبره زهرا
هچ کیمسه ظلم اتمدیلر من کیمی اما
شکر ایلیرم هر گونی اول داوره زهرا
کیم اولدی ولی روز غدیر احمد الیلن
گور چاتدی ولی تخت نبی کیملره زهرا
دورت بارغماغیدی فاصله حیدرو شمشیر
حیف اولدی علی ویرمادی ال خنجره زهرا
واردی نقدر عمروم عزیزیم دییرم من
لعنت بئله مسماره بو قانلی دره زهرا
چکدون نقدر رنج و محن حیدر اوینده
گورستمدین اما بیرینی حیدره زهرا
یاندیرما علینین اورگین روح وروانیم
جانیم اولا قربان بئله گوهره زهرا
سن گتسون علی تک قالاجاخ دورد بالاسینان
کیمدور ده گوروم زینبیمه یئر سره زهرا
محسن اگر اولدی در ودیوار آراسیندا
اصغرده اولار مثل سپر اوچ
پره زهرا
صود پاک اولا غوغا ایلیر طول زماندا
محسن دایانیب اصغری تک سنگره زهرا
دای بسدی منی ایلمه قان قلبیمی یاریم
رحم ایله آخان سیل تکین گوزلره زهرا
بیرتوصیه ایلیم سنی ای صبرو قراریم
درمان ایله عباسه یل پرپره زهرا
احبابیوه بیرهدیه ویر ای نور سماوات
دعوت ائله نوکرلریوی کوثره زهرا
محشر گونی امدادیمه گل قویما قالام تک
وای حالیمه شامل اولا شرّ یَره زهرا
من تشنه ام اما نخورم آب ز دستی
وور لبلریمی ساقی توکن ساغره زهرا
- شنبه
- 17
- تیر
- 1402
- ساعت
- 20:14
- نوشته شده توسط
- یوسف اکبری
- شاعر:
-
عبادی طارمی
ارسال دیدگاه