عاشق کرگ سوزونده اهل صداقت اولسون
هرکلمه کی دانشیسا عین حقیقت اولسون
عباس تک مهیا اولسوی جهاد و رزمه
معشوقی امر ائدنده محو اطاعت اولسون
پیمانه ی وفانی میداندا باشه چکسون
بی واهمه فدای امر ولایت اولسون
باشیندا شوق وصلت خوف ائتمسی بلادن
اطفالی گورسه عطشان اهل سقایت اولسون
حیدر کیمین صداسی سالسون جهانه لرزه
گر ساغ گوزنده تیر و خون و جراحت اولسون
عشقاقه درس غیرت ویرسین بلالی چولده
تاکه ادب جهاندا اوندان علامت اولسون
یازدون عبادی سنده توصیف ماه عشقی
سقای کربلادن اجرون شفاعت اولسون
- شنبه
- 17
- تیر
- 1402
- ساعت
- 20:30
- نوشته شده توسط
- یوسف اکبری
- شاعر:
-
عبادی طارمی
ارسال دیدگاه