چَک اَبرِ زُلفی نیز دَه یُوزدَن کنار علی
ماهِ چهاردَه شَبی قیل آشکار على
خَم خَم دوشوبدی زُلفِ سیاهُون عُذاریوَه
گُویا دوتوبدی گُون یُوزون اَبرِ بَهار علی
آق یُوز قَرا تِلون علی بُو قرمزی قانون
نُوکِ جِدا اُولوبدی عَجَب لاله زار علی
زُلفُون اِیدوبدی گُوگُلیمی تارِ تِلیندَہ بَند
هر یانَه چَکسَه مندَه سُورونّم اُو تار علی
بُوندان زیاده سَندَن اُوتور دَرد و غَم چَکم
جانیلَه اِیلرَم نه قَدَر اِفتخار علی
اِی یُوسُفِ زَمانه زلیخا کیمی دوشوب
آردینجا شُوریلَه اِیدرَم آه و زار علی
بُلسَم زَمانه دَه نَقَدر من بَلا کِشَم
بُو دَرد و غَمدَه یُوخ مَنه بیر غَمگُسار علی
هیچ کیم دُچار اُولمادی من تَک مُصیبَتَه
سِنّن صَغیریدَه که من اُولدوم دُچار علی
صُبحیم، گِیجَم، گُونُوم، گُونظوزوم، وَقت و ساعَتیم
سَنسیز اُولوب مَنه هاموسی تیره تار علی
ظلمیلَه باغلانوبدی طَنابیلَه قُولّاریم
چون دَستگیرِ رُوم و فِرنگ و تَتار علی
یُوللار اُوزاق گُون اِیسی پیادَه اَیاق یالین
گلّم زِ بَس اِیاقیم اُولوبدی قبار علی
بَسدور بوحالِ زاریمَه باخ رَحم قیل مَنه
لُطفیلَه بیردَه بیر مَنی دِیندیر قُوتار علی
یالوارّام اِیستَرم که آلام باشُوی اُوپم
وِیرمَز مَنه عِنادیلَه بُو نیزه دار علی
بُو گُونلَری گُورونجَه ئولیدیم ازَلدَہ کاش
یاخشی گُونه سالوبدی مَنی روزگار علی
سَنسیز دولانسُون اُولسُون على تیز گُوروم داخی
بُو چَرخِ کَجمدار و فَلک تارمار علی
بَحرِ گُناهه غَرقیدی #تَقوی نَجات وِیر
شَرحِ غَم و مُصیبتوی چُوخ یازار علی
- شنبه
- 14
- مرداد
- 1402
- ساعت
- 15:17
- نوشته شده توسط
- یوسف اکبری
- شاعر:
-
ناشناس ؟؟؟
ارسال دیدگاه