گِنَه مُحَرم اوُلوب باشلانیپ عَزاسی حُسینین
حَزین حَزین گَلیر الله گِنَه نَواسی حُسینین
غُبارِ مَعصیَت اِئتمیشدی شَهری آلودَه
آغارتدی شَهرین اوُزون تازه دَن قَراسی حُسینین
حَدیَثِ کَرب و بَلا آیَه آیَه حِکمتدی
سیلر اوُرک تُوزونُو هَر زَمان نِداسی حُسینین
یاواش یاواش گِدیری کَربَلایَه آل الله
اِئدِیر بُو قافلَه نی بَدرَقه آناسی حُسینین
بُو اِهتمامدَه بیر عارِفانَه حکمت وار
یَقین بُو یُولدا پِیمبَردی اِقتداسی حُسینین
نَه باش وِریبدی بُو آی باش تاپا نمئرام یارَب
دِییلمَیب هَله دَه کُلَّ ماجَراسی حُسینین
بیر عِدَه طفلِ لَب عَطشان بیر عِدَه سی عُورَت
سپاهِ شامَه مُقابل دُورُوپ قُواسی حُسینین
نَه اِیلَمیشدی خدایا بُو قومِ بَد خواهَه ؟
کی اوُخلانیپ قُوجاغئندا اوُگون بالاسی حُسینین
حُسینَه عاشق اوُلان بَرّ و بَحردَه قالماز
نَجاتِ عالَمَه لَنگَردی کَربَلاسی حُسینین
هَنُوز نِیزَه دَه قرآن اوُخور کَسیک باشلار
گَلیر هَلَه قُولاغ آس سان گِئنَه صَداسی حُسینین
شَرارِ نارِ جَهالَت جَهانی یاندئراجاخ
مَگر کِی سایَه سالا عالَمَه لِواسی حُسینین
غَریبَه عالَم اوُلاردی بیزیم بُو عالَمیمیز
اَگر اوُلِیدی جَهان جُملَه آشناسی حُسینین
طَبیبِ دَرد، حسین اوُلسا دَردمَند اوُلماز
سُورون بُو دَرگهَه قُوخما گَلیب دَواسی حُسینین
چالیش اوُزون قُوروما نُورِ مَعرفَتدی حُسین
مِسی طَلا اِلییَر دَیسَه کیمیاسی حُسینین
ضَیاء وِریب گُوزومَه گُوزلَریم اِئشئخلانمیش
مَثَلدی نُورِ بَصیرَتدَه تُوتیاسی حُسینین
#کنیز_فاطمه نین اوُغلویام آدیم #قربان
مَنی چَکیب آپاریر نَقشِ دِلرُباسی حُسینین
- شنبه
- 14
- مرداد
- 1402
- ساعت
- 23:54
- نوشته شده توسط
- یوسف اکبری
- شاعر:
-
مرحومه ام لیلی
ارسال دیدگاه