غدیر خمّ اوجالوب همطرازِ ماه اولسون
گونی حوادثینه منکرین سیاه اولسون
گرگ اونون دوزلیدی جهاندا تندیسی
که وارلقنا اوزی شاهد و گواه اولسون
گرکدی تازه لنیدی هر ایل او برنامه
نه اینکه ياد هر ايلده بو گون بو ماه اولسون
دانانمییدی بیر عدّه گوزیله گوردوقونی
که ایمدی ایشلری تعبیرِ اشتباه اولسون
دیوم قضیّه نی هر چند کی بولن بولوری
مباد بعضی غلط فکر سدّ راه اولسون
پیمبرین کی اوایلِ حجةُ الوداعیدی
یاخونلاشوردی جهان اهلی بی پناه اولسون
امینِ وحیِ خدا نازل اولدى محضرینه
دئدی اوجا بو مقامِ رفیع و جاه اولسون
سیزه سلام یتوردی خدای عزّ و جل
گرک عمل بو عمل خواه یا نخواه اولسون
حجیجی ساخلا علینی ایله وزير اوزوه
اراده میز وار عم اوغلون وزیرِ شاه اولسون
پیمبر امر ایلدی جمع اولا بوتون حجّاج
خبر بودور نه خیال و گمانِ سپاه اولسون
گیدن قیدی گلن دوردی جمع اولوب یکسر
او ازدحام چتین برده بیر او گاه اولسون
علینی خدمتینه ایستدی رسول الله
پیاده خواسته و نقشهٔ الاه اولسون
دوتوب علينون الين قوزادی گوروبدی هامی
اعم مؤمن و يا فرد دین تباه اولسون
منه وصّی بلافصل و جانشیندی دئدی
گرک سیزَده منیم تک امید گاه اولسون
بو هرکمیه که من اولا به نفسم اولادی
منه باخان گوزیلَنده بونا نگاه اولسون
بونا عداوت ایدنلر منه معانددور
مباد خاطری رنجیده گاه گاه اولسون
گلوب ازل ایکیمنجی کیشی ایدوب بیعت
گوروم اونا ایکی دنیاده افّ و آه اولسون
ازلده بيعتین سیندران او بی دین دور
یری گوروم که جهنّمده قعرِ چاه اولسون
او باعث اولدی حسینون سوسوز قانی توکوله
بلا دياری او مولایه جایگاه اولسون
او باعث اولدی الینده دل آچمیان بالاسی
خزان ، بهاریده مانند گل گیاه اولسون
او باعث اولدی که قالسين سوسوز ، بالا بالالار
سو تاپماسین یوزه گوز یاشلاری میاه اولسون
او وورماسیدی علینون قاپوسونا آتش
محالدور يانان اودلاردا خیمه گاه اولسون
او پوزماسیدی علینون ستمله پرگارین
نجه اولاردی گیجه زینبه پگاه اولسون
هاچان قویاردی باشا اللرین قاچاردی چوله
سراغ ایدردی گلوب کیمسه دادخواه اولسون
او باعث اولدی رقیّه اسیر شمر اولسون
سارالوب عارضی مانند پرّکاه اولسون
حسین دینه فدادور او دور که آغلاماقی
سبب اولوبدی که آمرزشِ گناه اولسون
گرگدی نوکر پرهیزکار و با تقوا
آقاسی تک رفقا باشینه کلاه اولسون
#حسنی #حافظی #یعقوبی اَکبر و پَرویز
رَفقيدور بُولارا ذاتِ حَق پَناه اوُلسون
التماس دعای فرج
- شنبه
- 14
- مرداد
- 1402
- ساعت
- 23:57
- نوشته شده توسط
- یوسف اکبری
- شاعر:
-
مرحوم حافظی تبریزی
ارسال دیدگاه