سنی مهدی نظر ایت ، ائیله عنایت زهرا
ایتگین اؤ قبرین ائده هامی زیارت زهرا
بؤینو چیگنینده قالیب هامی سنه قان آغلار
آی جوانلیقدا چکن ، باشی مصیبت ، زهرا
سوره ی کوثری وئرمیش سنه نسبت الله
گول آدین قلبه صفا ، آیه ی رحمت زهرا
صدف اولسا گر نجابت ، اونا سن گوهر سن
سن حیاء مولکونه ، ای عفت و عصمت زهرا
سنه خاطر خواه اولوب رب جلیل فاطمه جان
اؤ پاک عشقین ائله ییر دیلده قیامت زهرا
سنی کیم سئوسه اونو دوزخ اؤدو یاندیرماز
سنه خاطر بزه نیب ، نور ایله جنت زهرا
عرش دن ده عظمتلی ائدیب الله قاپیوی
آنا قارنیندا ائدن ، حقه مناجات زهرا
قؤیما هیچ داردا قالا محشر گونی شیعه نی
سن سن عقباده ائدن ، خلقه شفاعت زهرا
سائیله بذل ائلیین تؤی گئجه سی کؤینگین
ائیلویر هامی گرفتاره ، محبت زهرا
اتگیندن یاپیشان ، اللری گل اوزمه خانیم
قؤیما آیری قاپیلاردا ، چکه ذلت ، زهرا
گل بو ( نالانی) قاپیندان الی بؤش سالما یؤلا
دؤلانیم باشیوا ، ای علت خلقت ، زهرا
- یکشنبه
- 15
- مرداد
- 1402
- ساعت
- 15:11
- نوشته شده توسط
- یوسف اکبری
ارسال دیدگاه