فاطمه ائیله دی فغان نالیه گَتدی جنَّتی
گئیدی گئنه قاراسی نی امام صادقه گورا
بَقیع ده کی مزارینا بیزده گَرَک سلام وئراق
مصیبتین یاده سالیب ارادت ائیلیاق اؤرا
فاطمه نین بالاسی دی، دئمه دیلر اَهلِ دَغا
وئرمه دیلر مهلت اونا آخر نمازین قیلماغا
مدینه نین غریبی تک غمینده قان آغلار آقا
کاش بیزیله بزمِ عزا ، گَلیب صاحب زمان قورا
بو قؤجا سیّدین نئجه تؤخوندولار غیرتینه
یاندیردیلار درگَهی نی ظلم ائتدیلر عترَتینه
عمّامه سیز اسیر ائدیب باخمادیلار حرمتینه
کوچه لرده گؤر نئجه؟ بیر چکدیلر اؤرا بورا
سماده غرقِ غَم دیلر آغلیوری بوتون مَلَک
یئری واردی دنیا بؤیی هِئی داد و شیوَنه گَلَک
مسموم اولوبدور ظلم ایله پارچالانیب جیگر، اؤرک
یانا یانا نِدا ائدیب یاندیم آنا یا زَهرا
جعفرِ صادق غمینه آلِ عَبا قان آغلایار
هَر سالگَردینده اونون زهرا جیگرین داغلایار
یازیخ (نالان) ، جان جان دییر، اولسا قبول یاس ساخلایار
اؤ قارانلیق مزاریده امیدی وار ذرَّه نورا
- یکشنبه
- 15
- مرداد
- 1402
- ساعت
- 15:16
- نوشته شده توسط
- یوسف اکبری
ارسال دیدگاه