یا رضا دئییب آقا جان ، قاپیوا احسانه گلدیم
مست ائدوبدور جامِ عشقین ، سانکی بیر دیوانه گلدیم
گول آدیندان رخصت آلدیم ، دیل آچیب بیانه گلدیم
دوُلانام باشینه مؤلا ، اول حج سلطانه گلدیم
دیلده احساسیم بودور کی ، جنّت رضوانه گلدیم
یوز قؤیام بیر درگَاهیوه ، اوجالا جاه و جلالیم
سنه قرباندی آقا جان ، اؤزوم هم مال و مَنالیم
سن اولوبسان روز و شبده ، ذکریم ، فکریم ، هم خیالیم
سندَن آیری اولسام اینان ، چؤخالار درد و ملالیم
درد دی ، سنسیزلیک منه چؤخ ، قاپیوا درمانه گلدیم
عاشقدی حور و مَلَک لر ، صحن و سراوی گؤرماقا
اؤ قیزیل گنبدین اوسته ، قوشلارین دؤری وورماقا
عاشقم صحنینده من ده ، بؤینو چیگنینده دورماقا
منده اؤز نؤبمده مؤلا ، گلدیم قاپیندا هورماقا
گَر ، کی هامینین گؤزونده ، بَنزه ری سلمانه ، گلدیم
حضرت کاظمین ائوی ، نوریله رَخشاندی بوگون
حضرت رضا گلیبدی ، دنیا زَر افشاندی بوگون
آدی بوتون مریضلرین ، دردینه درماندی بو گون
امام رضا میلادی دی ، هامی خراماندی بوگون
گؤردوم آچیبدی سفره سین ، آقامیز میهمانه ، گلدیم
آرزو ائیلر هامیلار ، سنه ای ضامن آهو
قسمتیم ای کاشی اولا ، اؤگؤزل مرقد خوشبو
عرض سلام ائیله مه گه ، سنله اولام بیر روبرو
« نالان » اولوب محضرینده ، آلیب اخلاصیله وضو
اَل سینه ده اول دَرگَهِ ، شاهِ خراسانه گلدیم
- یکشنبه
- 15
- مرداد
- 1402
- ساعت
- 15:19
- نوشته شده توسط
- یوسف اکبری
ارسال دیدگاه