عید غدیر گلدی سئویندی دیللر
عطیرلندی بوتون صفالی گوللر
زیارت ایسله ییر بو گون گؤیوللر
اؤزون ائیله بیزه مولا عنایت
حرمون ائلیاخ بیرده زیارت
(( علی علی علی ، مولا علی جان))
بئله امر ائـتـمیـشدی چون حق جلـی
ســســلندی یا حیــدر ، یا مؤلا علـی
علی نی جانـشـیـن ائیله دی نبـی
یوزیوه آچیلا درهای جنات
گلِ رخصارینه سویله صلوات
(( علی علی علی ، مولا علی جان))
بویوردو کی مندن سورا علـی دور
من آللاها رسول اؤدا ولی دور
بو الیـمده کی اَل اونون اَلی دور
سنده چاغیر آدین دئنن یا علی
سنسن بیزه مولا ، خدایه ولی
(( علی علی علی ، مولا علی جان))
یئرده بشر گؤیده ملک لر سمیر
مؤمین لره اولدو بو مؤلا امیــر
اولوبدور شاد خرد و کبیر سـسـلنیر
شکوفه آچیبدیر امامت گولی
یئر گوی هامی دئییر علی یا علی
(( علی علی علی ، مولا علی جان))
بوتون شیعـه لرین عشق اَزَلی
مؤلا علـی گؤزل لرین گؤزلی
بو عشق ایله دیل لر اولوب مُنجَـلی
شکر اولسون کی تکمیل اولدی رسالت
مبارکدور شیعه عید ولایت
(( علی علی علی ، مولا علی جان))
بو گون تبریک دئسه هر کس مهدی یه
فاطمه دن آلار ، گؤزل هـدییه
خوش حالینا بو قاپینی کیم دؤیه
یقین حاجت آلار اولماز نا امید
بولار وئرمز یالان هیچ وعده وعید
(( علی علی علی ، مولا علی جان))
- یکشنبه
- 15
- مرداد
- 1402
- ساعت
- 15:24
- نوشته شده توسط
- یوسف اکبری
ارسال دیدگاه