ای نیزه باشیندا آیه آیه قرآنی تلاوت ایلین باش
حقیّتی آندور اشقیایه ، اثباتِ حقیقت ایلین باش
ای تشنه جگر بلا چولونده ، درد و غم و ابتلا چولونده
اوز جانینی کربلا چولونده ، قربانِ شریعت ایلین باش
حقّ اوسته حقیقت اوسته ئولدون ، مِهر اوسته محبّت اوسته ئولدون
دین اوسته دیانت اوسته ئولدون ، احکامی رعایت ایلین باش
سن گُل کیمی تشنه قانه باتدون ، سن هیکلِ دینده جان یاراتدون
باش فکرینی عمده باشدان آتدون ، اعلانِ شهامت ایلین باش
چوخ دینیوه نصرت ایلدون سن ، زهرایه قیامت ایلدون سن
اسلامه حمایت ایلدون سن ، ای حقّه حمایت ایلین باش
جان وئردون عجب شرافتیله ، دین اوسته سوسوز شهامتیله
اوز آدینی ای حقیقتیله ز تاریخه کتابت ایلین باش
سال گون کیمی چرخ ابتلاده ، انوارِ حقیقت هر بِلاده
ای لحنِ حجازیله جداده ، داوودی خجالت ایلین باش
باتدون سن او گونکی تشنه قانه ، گَلدی دلِ ماسوایه فغانه
آغلار سنه (نجمی) یانه یانه ، ای آیه تلاوت ایلین باش
- دوشنبه
- 16
- مرداد
- 1402
- ساعت
- 22:45
- نوشته شده توسط
- یوسف اکبری
- شاعر:
-
مرحوم نجمی تبریزی
ارسال دیدگاه