او قان دولان گوزون آچ گور نه ساعتیمدی منیم
خَمیده نعشیوین اوستونده قامتیمدی منیم
بیر اوزکه حاله سالیبدور بو حال و احوالون
بلا چولونده کاانه قیامتیمدی منیم
ایله سیزیلدیورام نی کیمی فراقیندان
باخان خیال اِیدور هنگام رحلتیمدی منیم
آخان بو گوز یاشیما قاتمیشام جگر قانی
سبب بو فعله برادر ارادتیمدی منیم
سَنه من آغلاماسام گوزلریم نئیه لازم
بو وضع و حاله قالان ماه طلعتیمدی منیم
اورکیم ایستیری لَمس ایلیم سولان گولومی
اوپم او قانلی گوزون دیلده نئیتیمدی منیم
صد حیف اوخلار حصاره سالوبدی پیکریوی
اوپنمیرم نه ایدوم بو عبارتیمدی منیم
سوسوز دوداقیوه باخدوقجا اود دوتوب یانیرام
عجب دگور که، خدادن مشیتیمدی منیم
علی اکبر ئولَنده بو حاله قالدوم من
دیدیم مماتیمه بو غم کفایتیمدی منیم
یقین ئولمَمیشم تا غمون آلام جانه
غریبه غمدی بو غم غملی حالتیمدی منیم
سَسیمی آلسان اگر سَس یئتور من زاره
دانش دئیوم که اورکده نه حاجتیمدی منیم
اجازه ویر آپاروم خیمیه باجون گورسون
میسَر اولسا اگر دیلده رغبتیمدی منیم
تیکوبدی اهل حرم گوزلرین گَلن یولوا
گوزتلین سَنی گوز یاشلی، عترتیمدی منیم
رقیه بولمور هَلّه قانه اولموسان غلطان
و یا سَنیله فرات اوسته خلوتیمدی منیم
قلم اولان قولوی اوپمورم من اوز باشیما
زیارتون دم آخر سعادتیمدی منیم
نه اِِیلیرَم اِیاقیم گَلمور آیریلام سَندن
سَبب بو فعلیمه تنها محبتیمدی منیم
بیر عمر سَن منه دنیاده خدمت اِیلَمیسَن
بو دفعه خدمته حَق ویر که نوبتیمدی منیم
اجازه ویر اوخی آلنوندان ائیلیوم خارج
اولا تلافی خدمت که فرصتیمدی منیم
فراتی آلدون اوزون اِیچمَدون سویون مَنسیز
دیدون نه خاطره آیا سو قسمتیمدی منیم
سوسوز دوداقیوه سو دَگمیوب یقین عباس
جهاد اکبریوه بو قضاوتیمدی منیم
گوره مثالیوی هیهات بیرده چشم جهان
بو جمله شانیوه قارداش عبارتیمدی منیم
قالار بیر عالمی حیران او عزّت نفسه
او نفسه قَد علم ائتدیم ! بو حرمتیمدی منیم
مریض عشقه #عتیقا نه لازمه درمان
شفاسی دهریده بو قانلی تربتیمدی منیم
- سه شنبه
- 17
- مرداد
- 1402
- ساعت
- 0:3
- نوشته شده توسط
- یوسف اکبری
- شاعر:
-
استاد داود طهمورثی
ارسال دیدگاه