خامهء صنع یازمیوب صورتیوه مَثل علی
چشمِ وجود گورمیوب خلقتیوه بدل علی
نرگسِ مست و سرخوشون آهوی شیرگیریدور
سنبلِ مشگِ نکهتون سلسلهء عبیریدور
هر شِکَنینده مین جهان جانیله دل، اسیریدور
رشتهء جاندی عالمه هر تلی فی المثل علی
آتشِ رشگه لبلرون آبِ بقانی یاندورور
سوزِ نگاهه گوزلرون جانِ جهانی یاندورور
لمعهء برقِ عارضون خرمنِ جانی یاندورور
دلده شرارِ حسرتی ایلوری مشتعل علی
دلدن آلیب توانیوی نشئهء ساغرِ بلا
سلب ایلیوب قراریوی شوقِ لقای آشنا
عزمیوی رزمه جزم ایدوب ئولماقا اولموسان رضا
گیت، ولی اولسا ممکنون بیرده خیامه گَل علی
شانه ووروب آنام سنون طرّهء مشگفامیوه
هاله ایدوب کلاله سین دورِ مهِ تمامیوه
اشگِ تری گلاب اولوب سنبلِ خوش نظامیوه
قان اولی قلبی گر صبا زلفیوه وورسا ال علی
یوسفِ من اولوب سنون مصرِ وفا مسخّرون
چرخِ ولایه ماه ایدوب حُسنوی سعد اخترون
هر نظری که لطفیله ایلوری مست گوزلرون
پایهء صبر و طاقته دلده سالور خلل علی
فکرتِ فرقتون ووروب پای خیاله سلسله
نائرهء محبّتون آتشِ غم سالیب دله
عشق یولوندا هر بلا اوز ویره ایتمرم گله
عاشقه چون بلا اولوب سابقهء ازل علی
ماهِ سپهر رشتهء مِهریوه پای بندیدور
گردنِ جانه کاکلون هر تلی بیر کمندیدور
شکلِ شکیلِ خلقتون وه نجه دلپسندیدور
هر صفتی بو خلقیده احسن مَن هو العلی
گردشِ چشمیدور بو یا دورِ سپهرِ بی سکون
هر نظرینده قلبیمین سحرینه واردی مین فسون
خالِ سیاه دور ایدوب رونقِ طلعتون فزون
یا که عذارِ ماهیده جلوه ایدر زحل علی
سِیرِ سلوکِ عشقیده هر غمه وار رضایتیم
چوخ سورم بلند اولا مرتبهء ریاضتیم
عشقون اولار ولی منیم فوقِ حدودِ طاقتیم
محو اولی بو حجابیده بارقهء امل علی
هجریوه دل رضا اولور فکرِ رضای یاریله
گوز ولی ایلمور رها دامنون اختیاریله
جنگ و ستیز باشلیب خاطرِ بیقراریله
تا نه طریقیله تاپا خاتمه بو جدل علی
عفو ایله گر ایدنمورم دامنِ صحبتون رها
بیرده جمالِ وصلیوی گورماقا دلده یوخ رجا
چون بولورم شهادتون عشق، ایدوبدی اقتضا
اذن ویروب جهادیوه حجّتِ لم یزل علی
گُل ورقینده ژاله تک عارضه دوزموسن عرق
دامنِ ماهتابیده لعلِ لبون سالوب شفق
جلوه لنوب بو نقشیده صنعِ بدیعِ کلکِ حق
آیتِ حُسن اولوبدی بو جلوه ده مستدل علی
جلوهء قامتوندی یا شورشِ رستخیزیدور
چشمهء آبِ زندگی یا لبِ شهد ریزیدور
غالیهء عبیر یا طرّهء مشگ بیزیدور
شور سالور جهانه بو قامتِ معتدل علی
(عابدی) سرگران ایدوب جامِ مِی محبّتون
سلب ایلیوبدی طاقتین آرزوی زیارتین
سوزِ فراق ساز ایدیب دلده هوای صحبتون
نوحیه بو سبب ویروب چاشنی غزل علی
- سه شنبه
- 17
- مرداد
- 1402
- ساعت
- 0:33
- نوشته شده توسط
- یوسف اکبری
- شاعر:
-
محمد عابد
ارسال دیدگاه