گوز یاشیم قانه دونوب گل باجی سرداریم اُولوب
اوجا بویلی آلا گوز قولسوز علمداریم اُولوب
قالمیشام عرصه ده تک یوخ باجی بیر دادرسیم
تشنه لب قانه باتوب یار وفاداریم اُولوب
آچ باشون زلفوی یول جاری ایله گوز یاشوی
قامتیم اولدی کمان شانلی سپهداریم اُولوب
یخدیلار سرویمی‌سو اوسته سوسوز قوم عدو
هجرینه یوخ دوزوموم اسوه اخیاریم اُولوب
قیزلاریم سویله باجی سو یولونی گوزله مسون
علقم اوستونده سوسوز قافله سالاریم اُولوب
دشمنیم ال تاپاجاق قورخولی صحراده بیزه
داخی سیندی قوشونوم یوخدی طرفداریم اُولوب
گئت باجی ایله خبر هر نه کی وار قاره لچک
محنتیم باشدان اشوب یوخ کمکیم یاریم اُولوب
سولدی گلزار علی قالمادی اثار صفا
یتشوب فصل خزان میر و هواداریم اُولوب
قالدی دشمنلر ایچینده یارالی نعشی باجی
قوللاری اولدی قلم قولسوز علمداریم اُولوب
نقدر اکبریمه دگمیشیدی یاره باجی
یوز ایله یاره دگوب جسمینه سرداریم اُولوب
اچگلان معجریوی باشیوه سال قاره لچک
باجی چارم ازالوب یار فداکاریم اُولوب
سنده محکم بیلوی باغلا اسیر اولماقیوا
سنده اغلا منیله ایند یکی انصاریم اُولوب
باشینه کاری یارا ویر میشیدی نوفل دون
اوندا بیلدیم کی باجی محرم اسراریم اُولوب
پارچالانمیشدی عمودیله سو اوستونده باشی
صاحب مشگ و علم میر دل افکاریم اُولوب
بیر نچه کلمه منیله دانیشوب یومدی گوزون
حالینی ایتدی بیان گوردوم او غمخواریم اُولوب
گلمدی لیکن ئوزی من گتوروردوم خیمیه
دئدی گئت خیمه ده دی مظهر ایثاریم اُولوب
چکدی بیر اه اورکدن منی یاندیردی باجی
سالدی اود خرمنیمه اوندا کی اول یاریم اُولوب
بو اولفضلیدی هر مشگلی اسان ایده جاق
قورخولی چولده منیم میر گهر باریم اُولوب
سنده مشکلده شهابا بو ابوالفضلی چاغیر
سسله منله دگینن ضیغم پیکاریم اُولوب
- چهارشنبه
- 18
- مرداد
- 1402
- ساعت
- 1:25
- نوشته شده توسط
- یوسف اکبری
ارسال دیدگاه