صاحیب-ی-وقار عباس، میر-ی-تاجدار عباس
حیدرین رشید اوْغلۇ، شیر-ی-نامدار عباس
چکدی نقشه‌ی-ی-جنگ، تۇتدۇ جنگه چون تصمیم
سینه ایکی اللــه‌ر، شاهه ائیله‌دی تعظیم
آلدێ تئشنه سولطاندان، اؤز وظیفه‌سین تعلیم
رمز دفته‌رین سولطان ائیله‌دی اوْنا تسلیم
اوْلدۇ ائحتیرامیله‌ن خئیمه‌ده‌ن کنار عباس
ـــــــــــــــــــــــــــــــــــــــــــــــــــــــــــــــــــــــــــــ
بیر گئدیب آتێن تنگین، تۇتدۇ سر لجامینده‌ن
گلدی تا عوبور ائتسین، تئشنه‌له‌ر مقامینده‌ن
بیر بؤلۆک خانێم قێزلار، چێخدێ اؤز خییامینده‌ن
یاندێم العه‌طه‌ش یاندێم، سس گلیب سۇ جامینده‌ن
اوْل سۇسۇز بالالاردان اوْلدۇ شرمسار عباس
ـــــــــــــــــــــــــــــــــــــــــــــــــــــــــــــــــــــــــــــ
جانێنێ گئروْ قوْیدۇ، ائتمه‌یین دئدی ناله
قئیمه‌تی نه قدر اوْلسا، سۇ گتیرره‌م اطفاله
من کی صادق-وْ-القوْله‌م، قالدێ هیممه‌ت ایقباله
آفه‌رین بۇ کئرداره، آفه‌رین بۇ افعاله
ائی جوان-ی-دریا دیل، ائی وفا شۇعار عباس
ـــــــــــــــــــــــــــــــــــــــــــــــــــــــــــــــــــــــــــــ
یئتدی پیش-ی-اعداده، رسمه‌ن آت دوْلاندێردێ
هر یانا ائدیب حمله، برق-ی-تیغی یاندێردێ
پوْزدۇ دسته‌له‌ر نظمین، تا سیپاهێ سێندێردێ
نحر-ی-علقه‌م اۆستۆنده، وۇردۇ بئیره‌غین دۇردۇ
بیر هده‌فده دریانێ، ائیله‌دی شیکار عباس
ــــــــــــــــــــــــــــــــــــــــــــــــــــــــــــــــــــــــــــ
بیر اوْوۇج سۇدان گؤتدۆ، گتدی گؤز قاباغینه
تئشنه‌له‌ر سسی دۆشدۆ، ناگه‌هان قۇلاغینه
باخدێ باطین عاله‌مده، اصغرین دوْداغینه
ایچمه‌دی سۇیۇ آتدێ، مرکه‌بین ایاغینه
دوْلدۇرۇب سۇدان چێخدێ، مشگین اشکبار عباس
ــــــــــــــــــــــــــــــــــــــــــــــــــــــــــــــــــــــــــــ
خط-ی-سئیرینی سالدێ، نخلگاه آراسێندان
دۆشدۆ لئشگه‌ره وحشه‌ت، سهمگین نداسێندان
هئی تؤکه‌ردی باشلارێ، تیغ-ی-جان روْباسێندان
دوْلدۇ کربلا دشتی، الحه‌ذه‌ر صداسێندان
یوْم-ی-حشری اعدایه، قێلدێ آشیکار عباس
ــــــــــــــــــــــــــــــــــــــــــــــــــــــــــــــــــــــــــــ
اسدی توْند بیر تۇفان، اوْلدۇ رویئ عاله‌م تار
گؤردیله‌ر کی دندانه، مشگینی آلێب سردار
سینه ده علم قانلێ، بس هانێ اۇزۇن قوْللار؟
اوْغلۇنۇن اوْ وقتینی، فاطیمه دییه‌ر آغلار
سؤیله‌یه‌ر آنان قۇربان، ائی حۆسئینه یار عباس
ــــــــــــــــــــــــــــــــــــــــــــــــــــــــــــــــــــــــــــ
بیر زامان حۆسئن تاپدێ، باش آچێق علمداری
گؤردۆ قاندێ بیر پارچا، اوْل وۆجۇد-ی-گۆلنارێ
بیریانا دۆشۆب مشکی، بیر طره‌فده قوْللارێ
بایرا‌غین هارا دۆشمۆش، کربلا سیپه‌هداری
یاتما دۇر بئلیم سێندێ، اوْلدۇم ایندی خوار عباس
ــــــــــــــــــــــــــــــــــــــــــــــــــــــــــــــــــــــــــــ
یحیوی یاز عباسه، نؤوحه عؤمر فۆرصه‌تدی
وقتیکی احئبباله‌ر دفن ائدیب سنی گئتدی
اقره‌با اوْغۇل قارداش، سنده‌ن اۇنسی ترک ائتدی
اوْندا سن گؤره‌رسن، بۇ زحمه‌ته عوه‌ض یئتدی
یعنی باشێن اۆستۆنده بایراغێن وۇرار عباس
شاعر: یحیوی
- چهارشنبه
- 10
- آذر
- 1389
- ساعت
- 17:15
- نوشته شده توسط
- سعید رضایی
ارسال دیدگاه