ای عاشق شوریده وشیداسی حسینون
باشلاندی گینه ماتم اعظماسی حسینون
گی قاروی ایام محرم گینه گلدی
هنگام عزا موسم ماتم گینه گلدی
عشقین گینده صحبتی بازاره چکیلدی
یدی گویه دوقوز فلکه قاره چکیلدی
جناتی گینه ترک اله دی حضرت زهرا
گوزیاشلی گزور چولری انسیه حورا
باشینده قرا ناله ایدور عالمی داغلور
سینمیش الی پهلوده حسین وای دیور آغلور
ور سینوه ای شیعه اورک داغلا حسینه
گل سنده گوشول فاطمیه آغلا حسینه
بوآغلاماقین قدرینی محشرده بولر سن
بیگانه لر آغلار ولی سن اوندا گولرسن
اینینده کی استبرق غم دادرسوندی
زهرا سنه بیر لحظه اگر باخسا بسوندی
واضحدی کی قاره گینن شیعه اویاخدی
محشرگونی زهراقاباقندا یوزی آغدی
بیر عده ولی یوخدی بوآیدا خوروخوابی
ایستور سیزی تشویشه سالا فتنه وهابی
آلوده ایدور عالمی بدبو نفسیله
قتله یتورور شیعه نی جنت هوسیله
بیلمور همگانی ولی قویمازلا بهشته
بیلمور کی حسین ویردی شرف دیروکنشته
بیلنور کی حسینه گوره خلقت یارانوبدی
بیلنور کی حسیندن ساری جنت یارانوبدی
هیچ آنامیور شیعه دن الله گوزون ایمز
جنت ده حسین سیز بیر اووج تپراقا دیمز
- چهارشنبه
- 18
- مرداد
- 1402
- ساعت
- 14:23
- نوشته شده توسط
- یوسف اکبری
- شاعر:
-
ناشناس ؟؟؟
ارسال دیدگاه