سبک : یخیلوب عباسیم
گوزون آچ آی قارداش قوناقون وار یاتما
اوزاق یولدان خسته گلور زوّارون
دوه لر اوستونده ویریبلر باش باشه
سنه لای لای دئیلر گوزل قیزلارون
قره معجر باشدا بیر عده زوّاروخ
ننه ام زهرا مثلی سنه دلبسته
بالاجا قیزلارون سینیق محمللرده
دوشوبلر طاقتدن اولوبلار خسته
بو گوزل قوشلاری گیدنده شاماته
ووروبلار یوللاردا سالوبلار دیلدن
یارالی قمری تک اودور که آی قارداش
صداسی قیزلارون چیخور آهسته
ایلدیم من رسوا یزیدی قصرینده
دیدیم سنده رحم و شرافت یوخدی
ایلدون اسلامه خیانت جدّون تک
سنون رفتارونده حقیقت یوخدی
قیزاروب خشمیندن دیدی قارداش سیز سان
یانور قلبون غمدن علاجون یوخدی
او زمان بیلدیم من شماتت بیر اوخدی
یاراسینا قارداش طبابت یوخدی
- چهارشنبه
- 18
- مرداد
- 1402
- ساعت
- 23:54
- نوشته شده توسط
- یوسف اکبری
ارسال دیدگاه