دور یارالی زینب بی یاریوم
قرخ گیجه گوندوزدی عزاداریوم
ای سسیمه سس وئرنیم آچ گوزون
یوسف بی پیرهنیم آچ گوزون
شهید خونین کفنیم آچ گوزون
هم سنه مهمان همی زوّاریوم
نهر فراتین سویی حیران آخور
اشگی ربابین اودی هر آن آخور
وای اورگیندن باجوین قان آخور
دور سو ویریم غملی پرستاریوم
من باشیما قاره سالان زینبم
کوینگون اللردن آلان زینبم
هم قوجالان هم اوجالان زینبم
یوخدی ابوالفضلون ، علمداریوم
عهدیمه ایفا ائلیوب گلمیشم
کوفه ده غوغا ائلیوب گلمیشم
دشمنی رسوا ائلیوب گلمیشم
حقّوی احیا ائلین یاریوم
من بو چولون عاشق و شیداسیم
زینب آدیم قاف غم عنقاسیم
کرب و بلانین قوجا زهراسیم
آنام کیمی محرم اسراریوم
اصغره لای لای دئسه لر مین کتاب
اولماز آنا لای لایی ای خوش مآب
نیلوم اوزاقدا دایانوبدی رباب
سسلور آقا منده دل افکاریوم
نازلی رقیّه ن ساچینی هورمه دی
باشیوی آلدی من ده وئرمدی
قبریوی افسوس، او بالان گورمدی
دییردی هی حسرت دیداریوم
من ره تقواده قدم ورمیشام
نقشه لره نقش عدم ورمیشام
کوفیه اود شامه علم ورمیشام
حافظ آئین و مددکاریوم
سن ائلدون قانیله دینون ادا
ای او آخان قانووه جانیم فدا
ئولمیاجاق حماسة کربلا
مُبلّغ ایده و افکاریوم
- چهارشنبه
- 18
- مرداد
- 1402
- ساعت
- 23:56
- نوشته شده توسط
- یوسف اکبری
- شاعر:
-
ولی الله کلامی زنجانی
ارسال دیدگاه