برج شرفه شمس درخشنده دی مهدی
ظلمتده یوخوم شک،مه تابنده دی مهدی
غایبدی ولی،حاضر ارزنده دی مهدی
ای منکر مهدی گوزون آچ زنده دی مهدی
یول گوزلورم هر جمعه گونی یوم ظهوری
سیندیرمیشام ایللردی وجودیمده غروری
بلکه متبلور ائده قلبیمده حضوری
ساقی گله تعارف ائلییه جام طهوری
مست اولماقیمون ساغریده سنده دی مهدی
ای منکر مهدی گوزون آچ زنده دی مهدی
بیر قطره ی ناچیزم حسابه گله بیلمم
چوخ لطف ائلیوب حق منه قدرین هله بیلمم
نه شیخم و نه مجتهدم مسئله بیلمم
بو مسئله حل اولماسا من دینجله بیلمم
هانسی وطن و کوچه و برزنده دی مهدی؟
ای منکر مهدی گوزون آچ زنده دی مهدی
گلسه،شهدا حقینی تنویر ائده جاقدی
قانونی دوباره بیزه تحریر ائده جاقدی
حق محکمه سین،عدلیله تفسیر ائده جاقدی
کیم عاشق وارسته دی تقدیر ائده جاقدی
تا روز جزا قلعه ی ایمنده دی مهدی
ای منکر مهدی گوزون آچ زنده دی مهدی
بو عسکرینون اوغلودی نور ازلییدی
آوازه سی عاشقلره بین المللیدی
خلقه ایکی دنیاده اون ایکیمجی ولیدی
غیرتده ابوالفضلیدی هیبتده علیدی
اوصاف خداونده برازنده دی مهدی
ای منکر مهدی گوزون آچ زنده دی مهدی
- پنج شنبه
- 19
- مرداد
- 1402
- ساعت
- 0:25
- نوشته شده توسط
- یوسف اکبری
- شاعر:
-
بهلول حبیبی زنجانی
ارسال دیدگاه