یارالی حسین
دمشق ده جان وئریری وفالی باجین
رخت عزانی سویمییب عزالی باجین
قورتولور آه و ناله دن بلالی باجین
یارالی حسین
بو سون نفس لرین ده زینبین گویلون آل
کرب و بلا دن یولووی اخا شامه سال
زینبی قوی مست الیه صبوی وصال
یارالی حسین
بو سون نفس ده یادیمه دوشور کربلا
موقع غارت خیام و سوز و نوا
ویردیلار اوت خیمه لرین یانیب دور اخا
یارالی حسین
توکولدولر خیمه لره عدو لشکری
داغلادیلار نار غمه هامی دیل لری
بعضی سی آختاریردی پیکر اصغری
یارالی حسین
گوز یاشیمی کوفه لی لر قانا قاتدیلار
گوردوم اوزوم نعشیوین اوسته آت چاپدیلار
نیزه لی لر آختاریب اصغری تاپدیلار
یارالی حسین
غارت ائدن لر دئمه ظلم دن دویدولار
قلبیمی تیشه ی جفائیله اویدولار
عروسوون دا گوشِواره سین سویدولار
- پنج شنبه
- 23
- شهریور
- 1402
- ساعت
- 0:22
- نوشته شده توسط
- یوسف اکبری
ارسال دیدگاه